რუსეთის საგარეო საქმეთა მინისტრი სერგეი ლავროვი ოფიციალური ვიზიტით ერევანში ჩავიდა. ლავროვი პრეზიდენტ სერჟ სარგსიანთან და საგარეო საქმეთა მინისტრ ედვარდ ნალბანდიანთან მოლაპარაკებების გამართვას გეგმავს. განხილვის მთავარი თემა შეხვედრებზე მთიანი ყარაბაღის კონფლიქტის დარეგულირება იქნება. რუსეთის საგარეო საქმეთა სამინისტროში განაცხადეს, რომ სერგეი ლავროვი სომხეთის ხელისუფლებას კონფლიქტის დარეგულირების გეგმის პროექტს წარუდგენს.
რუსეთის მთავარი დიპლომატი სერგეი ლავროვი სომხეთში ორდღიანი ვიზიტით იმყოფება.
ერევანში სერგეი ლავროვმა ოსმალეთის იმპერიიდან სომხების მასობრივი დეპორტაციის დროს გარდაცვლილთა ხსოვნისადმი მიძღვნილი მემორიალი გვირგვინით შეამკო.
სერგეი ლავროვის სოხმეთში ვიზიტის წინ რუსეთის საელჩოსთან საპროტესტო აქცია გაიმართა, რომელზეც პოლიციასა და მომიტინგეებს შორის დაპირისპირება მოხდა.