უკრაინის აღმოსავლეთ რეგიონებში სამხედრო მოქმედებებისა და აგრესიის შედეგად დაზარალებული ბავშვებისა და ახალგაზრდების ანაკლიის ახალგახრდულ ბანაკში დასასვენებლად თანხა მთავრობის სარეზერვო ფონდოდან გამოიყო. როგორც №1555 განკარგულებაშია აღნიშნული, სექტემბერში, ანაკლიის ტერიტორიაზე არსებული ბავშვთა და ახალგაზრდული ბანაკის ბაზაზე უკრაინის აღმოსავლეთ რეგიონებში სამხედრო მოქმედებებისა და აგრესიის შედეგად დაზარალებული ბავშვებისა და ახალგაზრდების და მათი თანმხლები დელეგაციის მასპინძლობისა და მასთან დაკავშირებული ხარჯების დასაფინანსებლად და ასევე, აღნიშნული პირების ჩარტერული ავიარეისით მგზავრობის უზრუნველსაყოფად, საქართველოს ფინანსთა სამინისტრომ მთავრობის სარეზერვო ფონდიდან ბავშვთა და ახალგაზრდობის ეროვნულ ცენტრს 70 160 ლარი და 54 000 ევროს ეკვივალენტი ლარი გამოუყო.
იმავდროულად, შრომის, ჯანმრთელობისა და სოციალური დაცვის სამინისტროს ამ ადამიანების სამედიცინო მომსახურების ორგანიზება და საჭირო მედიკამენტებით უზრუნველყოფა დაევალა.
ასევე, სახელმწიფო ქონების ეროვნულ სააგენტოს, მის ბალანსზე რიცხული შპს „ანაკლიას" მიერ მის საკუთრებაში არსებულ ანაკლიის აკვაპარკში უზნუნველყოს უკრაინელი ბავშვებისა და ახალგაზრდების და მათი თანმხლები პირების მიღება და უფასო მომსახურება.
