გაეროს განყოფილებებსა და სხვა საერთაშორისო ორგანიზაციებში მუდმივ წარმომადგენლად ზურაბ ჭიაბერაშვილს შალვა ცისკარიშვილი შეცვლის.
შალვა ცისკარიშვილის კანდიდატურა აღნიშნულ თანამდებობაზე პარლამენტში დღეს შევიდა. იგი 1978 წელს არის დაბადებული და დღემდე მუშაობს გაერთიანებული ერების ორგანიზაციასთან საქართველოს მუდმივი წარმომადგენლის მოადგილედ.
დღესვე პარლამენტში ელჩების სხვა კანდიდატურებიც იყო წარდგენილი. კერძოდ, ნორვეგიაში საქართველოს ელჩის კანდიდატად წარდგენილია მამუკა ციხელაშვილი, ყაზახეთში კი - დავით მუმლაძე.
