დღეს, 23 თებერვალს, პარლმენტში კიბერუსაფრთხოებასთან დაკავშირებულ საკონონმდებლო ინიციატივაზე იმსჯელებენ. როგორც იურიდიულ საკითხთა კომიტეტის თავმჯდომარის მოადგილემ, ჩიორა თაქთაქიშვილმა განაცხადა, შეხვედრა 15:00 საათზე პარლამენტში გაიმართება. მასში მონაწილებას კანონპროექტის ავტორები, არასამთავრობო ორგანიზაციები და იმ ორგანიზაციების წარმომადგენლები მიღებენ, ვისაც აღნიშნული რეგულაციები შეეხებათ.
"2008 წლის აგვისტოს ომის დროს საქართველოზე განხორციელებულმა კიბერშეტევამ ცხადყო, რომ შესაბამისი რეგულაციების შემოღება აუცილებელია", - აღნიშნა თაქთაქიშვილმა.
ახალი კანონის "ინფორმაციული უსაფრთხოების შესახებ" კანონპროექტით კი, ახალი რეგულაციები როგორც საჯარო, ისე კერძო სტრუქტურას შეეხება.
ასევე შემოდის პირების იდენტიფიცირებისთვის ტერმინი "კრიტიკული ინფრასტრუქტურის სუბიექტი", რომელიც იქნება სახელმწიფო ორგანო ან იურიდიული პირი, რომლის ინფორმაციული სისტემების უწყვეტი ფუნქციონირება მნიშვნელოვანია ქვეყნის თავდაცვის, ეკონომიკური უსაფრთხოების, სახელმწიფო ხელისუფლების ან/და საზოგადოებრივი ცხოვრების შენარჩუნებისთვის. ამ პირების ჩამონათვალს, პრეზიდენტი უშიშროების საბჭოს წარდგინებით დაამტკიცებს.
