2026 წლის იანვრიდან რუმინეთში ნატო-ს ახალი ლოჯისტიკური ცენტრი შეიქმნება, რომელიც უკრაინისთვის იარაღის ტრანზიტს კოორდინაციას და გაუწევს. Defense Express-ის ცნობით, გეგმა ჟეშუვში არსებული პოლონური ცენტრის მსგავსი მეორე მსხვილი ჰაბის შექმნას გულისხმობს.
ცენტრის რუმინეთში გახსნა დაადასტურა ნატო-ს უკრაინის მხარდაჭერის საკითხებში მეთაურის მოადგილემ, გენერალმა მაიკ კელერმა. Defense Romania აღნიშნავს, რომ რუმინული ცენტრი პოლონურთან ერთად იმუშავებს.
აღნიშნულია, რომ ახალი ცენტრის წყალობით, ნატო შეძლებს გააორმაგოს პარტნიორების მიერ უკრაინაში მიწოდებული იარაღის მაქსიმალური ტრანზიტი, მათ შორის PURL-ის მექანიზმის ფარგლებში - როდესაც შეერთებული შტატები უკრაინისთვის იარაღს ყიდის, ხოლო ევროპული ქვეყნები იხდიან მის საფასურს.
„და ეს სინამდვილეში საკმაოდ დადებითი ამბავია, იმის გათვალისწინებით, რომ უკრაინისთვის იარაღის მიწოდება აღარ არის დამოკიდებული მხოლოდ პოლონეთში არსებულ ერთ ლოჯისტიკურ ცენტრზე.
რადგან ეს ეხება კრიტიკულად საჭირო საჰაერო თავდაცვის საშუალებებს, პირველ რიგში რაკეტებს, საბრძოლო მასალას და ა.შ.“, - აცხადებენ Defense Express-ის ექსპერტები.
გამოცემის ცნობით, ახალი ლოჯისტიკური ცენტრი ნატო-ს პირდაპირი სარდლობის დაქვემდებარებაში იქნება.
კელერმა ასევე ილაპარაკა იმ დახმარების მოცულობაზე, რომელსაც პარტნიორები უკრაინას უწევენ.
კერძოდ, 2025 წლის განმავლობაში უკრაინისთვის დაახლოებით 220 ათასი ტონა სამხედრო დახმარება იქნა მიწოდებული - ეს არის დაახლოებით 9 ათასი სატვირთო მანქანა, 1.8 ათასი რკინიგზის ვაგონი და დაახლოებით 500 თვითმფრინავი იარაღითა და სამხედრო აღჭურვილობით.
