„დემოკრატიული მოძრაობა" ღრმა მწუხარებას გამოთქვამს ავღანეთში ქართველი სამხედროების, კაპრალ ვალიკო ბერაიას, კაპრალ რუსლან მელაძისა და კაპრალ პაატა კაჭარავას დაღუპვის გამო და თანადგომას უცხადებს დაღუპულთა ოჯახის წევრებსა და ახლობლებს.
"მათ გულწრფელად სჯეროდათ იმისა, რომ საკუთარი ქვეყნის უკეთესი მომავლისათვის იბრძოდნენ და ასრულებდნენ იმ უმძიმეს და სარისკო დავალებებს, რომლის შესრულებაც ავღანეთში მყოფ ქართველ ჯარისკაცებს უწევთ", - აღნიშნულია "დემოკრატიული მოძრაობის" განცხადებაში.
განცხადების თანახმად, „დემოკრატიული მოძრაობა" ასევე სამძიმარს უცხადებს გარდაცვლილთა თანამებრძოლებს, გამძლეობას უსურვებს ავღანეთში მყოფ ყველა ქართველ ჯარისკაცს და იმედს გამოთქვამს, რომ ისინი სულ მალე ჯანმრთელები დაუბრუნდებიან სამშობლოს.
შეგახსენებთ, რომ სამი ქართველი სამხედრო თალიბებთან ბრძოლისას მანქანის აფეთქების შემდეგ გარდაიცვალა.
