„გურიაში ჩვენს ამომრჩეველთან შეხვედრისას გამაოცა ქალბატონების სიმცირემ, რადგან უმრავლესობა მათგანი ლუკმაპურის საშოვნელად უცხოეთშია გახიზნული ოჯახების გადასარჩენად. მამაკაცები უმუშევრები არიან, ბევრი მათგანი ღირსებადაგაკრულია ამ მძიმე რეალობის გამო და პრობლემებზე საუბარიც უჭირს. ბავშვებსა და ახალგაზრდებს დაკარგული და დავიწყებული აქვთ ნორმალური ცხოვრება, ყველა საწარმო გაჩერებულია და ყველაზე ლამაზი შენობები კაზინოებსა და სლოტკლუბებს აქვთ დათმობილი, რომლებიც სულიერად კლავენ და ეკონომიკურად აჩანაგებენ ჩვენს აზალგაზრდებს და მათ ოჯახებს. სააკაშვილის ხელისუფლება არც თვითონ ხსნის საწარმოებს და არც სხვას აძლევს ამის საშუალებას, რადგან იცის, რომ მდიდარ და პატრიოტ ადამიანებთან ჭიდილში დამარცხდება. ათასობით ქართველი ბიზნესმენი ჩვენი ქვეყნის ფარგლებს გარეთ რიგში დგას, რომ დაეხმაროს თავის ხალხს ფინანსურად. ხელისუფლება კი კანონით კრძალავს ამას. ჩვენ უნდა შევძლოთ და დავუბრუნოთ ჩვენი ქალები ოჯახებს, შვილებს და მეუღლეებს. უნდა გავაძლიეროდ ქართული ოჯახები, რომლის ყოფნა-არყოფნის ცოდვა სააკაშვილისა და მისი წინამორბედების კისერზეა", - აცხადებს „განახლებული საქართველოსთვის" ლიდერი ნანა გულუა.