ბრაზილიაში BRICS-ის სამიტი იმართება. წლევანდელი რიგით მე-17 სამიტი რიო დე ჟანეიროში ტარდება. ადგილზე იმყოფებიან ბრაზილიის, ინდოეთის, სამხრეთ აფრიკის, ეგვიპტის, ეთიოპიის, ინდონეზიის, ირანის, საუდის არაბეთისა და არაბთა გაერთიანებული საამიროების ლიდერები.
წლევანდელ სამიტს დისტანციურად ესწრება რუსეთის პრეზიდიდენტი ვლადიმირ პუტინი, 2023 წლის 17 მარტს სისხლის სამართლის საერთაშორისო სასამართლოს მიერ მის მიმართ გაცემული დაკავების ორდერის გამო. ბრაზილია კი ჰააგის სასამართლოს წევრია.
პუტინმა BRICS-ის ლიდერებს სამიტზე განუცხადა, რომ ლიბერალური გლობალიზაციის ერა მოძველებულია და მომავალი სწრაფად მზარდ განვითარებად ბაზრებს ეკუთვნის, რომლებმაც უნდა გააძლიერონ მათი ეროვნული ვალუტის გამოყენება ვაჭრობისთვის. გლობალური ეკონომიკური წესრიგის ცვლილება იმპულსს იძენს. ყველაფერი მიუთითებს, რომ ლიბერალური გლობალიზაციის მოდელი მოძველებულია. ბიზნესაქტივობის ცენტრი განვითარებადი ბაზრებისკენ გადაინაცვლებს, რაც ძლიერ ტალღას გამოიწვევს, მათ შორის BRICS-ის ქვეყნებში“, - აღნიშნა პუტინმა.
