ფიროსმანის "შავ ლომთან" დაკავშირებით სასამართლო პროცესი 26 აპრილს განახლდება. საქმის განხილვა ერთ-ერთი მომჩივანი მხარის, მირელ ზდანევიჩ ქუთათელაძის გარდაცვალების გამო შეჩერდა. საპროცედო კოდექსის თანახმად საქმის წარმოება 6 თვის ვადის შემდეგ უნდა გაგრძელდეს. სასამართლო პროცესი სწორედ ამ ვადის გასვლის შემდეგ დაინიშნება, სადაც უნდა გადაწყდეს დაუბრუნდება თუ არა საქართველოს "შავი ლომი" .
"ერთ-ერთი მოსარჩელე, რომელიც ტილოს მეპატრონედ ითვლებოდა 2011 წლის 26 ოქტომბერს გარდაიცვალა და საპროცედო კანონმდებლობით საქმე აპრილის ბოლოს განახლდება. იმედი ამქვს, რომ სასამართლო ოპერატიულად დანიშნავს სასამართლო პროცესს, იმიტომ რომ ხანგრძლივი დრო გავიდა და საქმე ყველანაირად მზად არის განხილვისთვის. ამ პროცესზე გადაწყდება "შავი ლომის" საქართველოში დაბრუნება არ დაბრუნების საკითხი", - განაცხადა ყარამან ქუთათელაძის ადვოკატმა, დიმიტრი ქუთათელაძემ.
ფიროსმანის ტილოს უკვე ჩაუტარდა ექსპერტიზა, რომლის მიხედვითაც დადასტურდა რომ ის ორიგინალია.
