მედიაკოალიცია მედიამონიტორინგის სპეციალური საბჭოს ჩამოყალიბებას ითხოვს. კოალიციის წევრის, ლაშა ტუღუშის თქმით, სპეციალური საბჭო შესალებელია ჩამოყალიბდეს, როგორც საზოგადოებრივი ორგანიზაციების წარმომადგენლებისგან, ასევე 17 პოლიტიკური პარტიისგან, რომელიც არჩევნებში მონაწილეობს, ან თუ შეთანხმება მოხდა შესაძლებელია საბჭო დაკომპლექტდეს, როგორც პარტიების ასევე საზოგადოებრივი ორგანიზაციების წარმომადგენლებისგან 50/50.
ტუღუშის შეფასებით, აღნიშნული საბჭო უნდა ექვემდებარებოდეს ცესკოს და არა მარეგულირებელ ეროვნულ კომისიას, რადგან ამ უკანასკნელისადმი საზოგადოების ნდობა ნაკლებია. აღნიშნული ინიციატივა იურიდიულ საკითხთა კომიტეტის სხდომაზე უმრავლესობის წევრებმა ასევე არ გაიზიარეს და აღნიშნეს, რომ "ეროვნული მარეგულირებელი კომისიისადმი ნდობა გემოვნების საკითხია".
