მედიაკოალიცია პოლიტიკური პარტიების ფასიან რეკლამებზე ზედა ზღვრის დაწესებას ითხოვს. როგორც დღეს იურიდიულ საკითხთა კომიტეტის სხდომაზე ექსპერტმა კახი კახიშვილმა განაცხადა, აუცილებელია დაწესდეს ფასიანი პოლიტიკური რეკლამების ზედა ზღვარი, რადგან არჩევნების დროს შესაძლებელია ფასები არაადეკვატური გახდეს, რასაც პარტიების ნაწილი ვერ შესწვდება.
კოალიციის წარმომადგენლის, გაზეთ "რეზონანსის" მთავარი რედაქტორის, ლაშა ტუღუშის განცხადებით, ტელეკომპანიებს არ უნდა ჰქონდეთ ვალდებულება უფასო პოლიტიკური რეკლამების გაშვებისა, რადგან ის ტვირთად აწვება მაუწყებლებს. ტუღუშის ინიციატივა იყო, უფასო რეკლამის არსებობის შემთხვევაში მისი კომპენსირება მომხდარიყო სახელმწიფოს მიერ.
აღნიშნულ ინიციტიაციებთან დაკავშირებით, საარჩევნო კოდექსს პროექტის ავტორებმა მათ გაზიარებაზე უარი თქვეს. როგორც უმრავლესობის წვერმა აკაკი მინაშვილმა განაცხადა, უფასო პოლიტიკური რეკლამის დაწესება ერთგვარი კომპრომისი იყო, ხოლო რაც შეეხება ფასიან რეკლამაზე ზედა ზღვრის დაწესებას, ეს არ მოხდება, რადგან ეს კომერციულ საქმიანობაში სახელმწიფოს მხრიდან უხეში ჩარევა იქნება.
