ლიბიის გარდამავალმა საბჭომ არ შეასრულა საკუთარი პირობა და ამ დრომდე მუამარ კადაფის ნათესავებისთვის მისი ცხედარი არ გადაუცია.
უნდა აღნიშნოს, რომ ლიბიის ნაციონალური საბჭოს ლიდერები ურთიერთგამომრიცხავ განცხადებებს აკეთებენ.
ბი-ბი-სის ინფორმაციით, საბჭოს წარმომადგენელმა საგარეო ურთიერთობათა საკითხებში აჰმედ ჯებრელმა განაცხადა, რომ უკვე ჩატარებულია გვამის ექსპერტიზა. პარალელურად კი მისმა კოლეგამ ნაგი ბარაკატმა, რომელიც ჯანდაცვის საკითხებს ხელმძღვანელობს აღნიშნა, რომ ექსპერტიზა არ ჩატარდება, რადგან "პატოლოგანატომის დასკვნიდან ნათელია კადაფის გარდაცვალების მიზეზი".
ამავდროულად, ამ დრომდე ვერ გადაწყდა საკითხი სად უნდა დაიკრძალოს პოლკოვნიკი კადაფი, რომლის ცხედარმაც უკვე გახრწნა დაიწყო.
ლიბიის გარდამავალ საბჭოს არ სურს, რომ პოლკოვნიკის დაკრძალვის ადგილი საზოგადებისთვის ცნობილი იყოს, რადგან ის არ იქცეს "თაყვანისცემის ადგილად". მათავრობაში არის მოსაზრებები იმის თაობაზე, რომ კადაფის ცხედარი ზღვაში გადააგდონ, ისევე როგოც აშშ მოექცა ბენ ლადენის ცხედარს. თუმცა სხვა მოსაზრების მიხედვით უმჯობესია კადაფის დაკრძალვა საიდუმლოდ მოხდეს.
უნდა აღინიშნოს, რომ ამ დრომდე უცნობია კადაფის გარდაცვალების რეალური მიზეზი. არსებობს ორი ვიდეოფირი, ერთზე პოლკოვნიკი ცოცხალია, ხოლო მეორე ფირზე იგი გარდაცვლილია. რა მოხდა ამ ფირების გადაღებას შორის ეს ამბავი გაურკვეველია, რადგან საზოგადებას ამ დრომდე კადაფის გარდაცვალების ოთხი ვერსია მიაწოდეს.
შეგახსენებთ, რომ ლიბიის ექსლიდერი მუამარ კადაფი 20 ოქტრომბერს მშობლიურ ქალაქ სიტრაში მოკლეს.