ბიძინა ივანიშვილის ადვოკატი ეკა ბესელია და მრჩეველთა საბჭოს წევრი ირაკლი სესიაშვილი ევროპარლამენტში შეხვედრებს გამართავენ.
როგორც "ჯი-ეიჩ-ენს" ეკა ბესელიამ განუცხადა, ბრიუსელში გასამართ შეხვედრებზე ყურადღება გამახვილდება ქვეყანაში არსებულ ვითარების სხვადასხვა ასპექტებზე.
"ევროპარლამენტის წევრებს კიდევ ერთხელ გავაცნობთ ქვეყანაში არსებულ ვითარებას დემოკრატიის ხარისხის, ადამიანის უფლებათა დაცვის კუთხით და რა თქმა უნდა საუბარი გვექნება ბიძინა ივანიშვილისა და მისი მეუღლისთვის მოქალაქეობის ჩამორთმევის საკითხზე", - განუცხადა "ჯი-ეიჩ-ენს" ეკა ბესელიამ.
როგორც "ჯი-ეიჩ-ენს" ბიძინა ივანიშვილის პრესსამდივნოდან აცნობეს, ორშაბათს დაგეგმილია შეხვედრა ევროკომისიის თავმჯდომარის მოადგილე პიერ ემერსონთან და ევროპარლამენტარებთან, რომლებიც კავკასიის საკითხებზე მუშაობენ. საუბრის მთავარი თემა ბიძინა ივანიშვილისთვის და მისი მეუღლე ეკატერინე ხვედელიძისთვის საქართველოს მოქალაქეობის ჩამორთმევაა.
სამშაბათს კი ეკა ბესელია და ირაკლი სესიაშვილი საერთაშორისო მედიის წარმომადგენლებისთვის პრესკონფერენციას გამართავენ.
ეკა ბესელია და ირაკლი სესიაშვილი საქართველოში 27 ოქტომბერს დაბრუნდებიან.
