უკრაინის ქართველტა ასოციაცია "იბერიელის" ორგანიზებით კიევში, შ. რუსტაველის ძეგლთან "ქართული კულტურის დღე" გაიმართა, ღონისძიების დაწყებამდე გამოფენილი იყო საქართველოს ტურისტული რეგიონების შესახებ ბროშურები და ბუკლეტები, ასევე ტურისტული კომპანიების შეთავაზებები.
როგორც "ჯი-ეიჩ0ენს" ორგანიზატორებმა აცნობეს, ღონისძიებაში მონაწილეობდნენ უკრაინაში არსებული ქართული ხალხური ცეკვებისა და სიმრერის ანსამბლები, ასევე თბილისიდან სპეციალურად ამ ღონისძიებისთვის კიევში ჩავიდა კესარია აბულაძე, რომელიც, კონკურსში "უკრაინა ეძებს ტალანტებს" საქართველოს სახელით მიიღებს მონაწილეობას.
ღონისძიებაზე დამსწრეებს სიტყვით მიმართა უკრაინის ქართველტა ასოციაცია "იბერიელის" პრეზიდენტმა ბესიკ შამუგიამ და უკრაინის კულტურისა და ტურიზმის მინისტრის მოადგილემ ლუბოვ ზუბკომ, როგორც ორგანიზატორები აცხადებენ, ეს ღონისძიება პირველად გაიმართა და ყოველ წელს გაიმართება.
ღონისძიებაზე მოეწყო სრულიად უკრაინის საზოგადოებრივი გაერთიანება "გეორგიას" ახალგაზრდული ფრთის პრეზენტაცია, სადაც უკრაინაში მცხოვრები 500 ზე მეტი ქართველი ახალგაზრდაა რეგისტრირებული.
