ალასკაში, ანკორიჯის სამხედრო ბაზაზე, აშშ-ის პრეზიდენტის დონალდ ტრამპისა და რუსეთის პრეზიდენტის ვლადიმირ პუტინის შეხვედრა დასრულდა.
შეხვედრის დასრულების შესახებ ინფორმაცია კრემლმა დაადასტურა.
მოელიან, რომ უახლოეს წუთებში გაიმართება პრესკონფერენცია, სადაც განცხადებებს გააკეთებენ ლიდერები.
ორი ქვეყნის ლიდერებს შორის შეხვედრა 3 საათს გაგრძელდა.
რუსული საინფორმაციო სააგენტო "ინტერფაქსი" ავრცელებს ელჩ კირილ დმიტრიევის კომენტარს, რომლის თანახმადაც, შეხვედრა "საოცრად კარგად" წარიმართა.
შეხვედრას ამერიკული მხრიდან ესწრებოდნენ აშშ-ის სახელმწიფო მდივანი მარკო რუბიო და სპეციალური წარმომადგენელი სტივ უიტკოფი. რუსეთის მხრიდან კი საგარეო საქმეთა მინისტრი სერგეი ლავროვი და რუსეთის პრეზიდენტის მრჩეველი იური უშაკოვი.
