80 წლამდე კაცს, რომელმაც ცოლს სასიკვდილო ჭრილობები მიაყენა, ბრალი წარედგინა, - ინფორმაციას პროკურატურა ავრცელებს.
უწყების ცნობით, სოფელ ნახიდურში ბრალდებულმა, სიტყვიერი შეკამათებისას წარმოქმნილი კონფლიქტის გამო, მეუღლეს სიცოცხლისათვის სახიფათო დაზიანებები მიაყენა, რომელიც ადგილზე გარდაიცვალა.
დანაშაული სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.
"საქართველოს პროკურატურამ ბოლნისის მუნიციპალიტეტში დამამძიმებელ გარემოებაში ჩადენილი განზრახ მკვლელობის ფაქტზე ერთ პირს ბრალდება წარუდგინა.
შინაგან საქმეთა სამინისტროს მიერ ჩატარებული გამოძიებით დადგინდა, რომ მიმდინარე წლის 14 აგვისტოს, ბოლნისის მუნიციპალიტეტის სოფელ ნახიდურში ბრალდებულმა, სიტყვიერი შეკამათებისას წარმოქმნილი კონფლიქტის გამო, მეუღლეს სიცოცხლისათვის სახიფათო დაზიანებები მიაყენა, რომელიც ადგილზე გარდაიცვალა. ბრალდებული შემთხვევის ადგილიდან მიიმალა.
სამართალდამცველებმა ბრალდებული იმავე დღეს დააკავეს. მას ბრალდება საქართველოს სისხლის სამართლის კოდექსის 11 პრიმა 109-ე მუხლის „კ“ ქვეპუნქტით (განზრახ მკვლელობა ჩადენილი ოჯახის წევრის მიმართ) წარედგინა, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს,- აღნიშნულია პროკურატურის განცხადებაში.
79 წლის კაცი, რომელმაც 75 წლის ცოლი მოკლა, პოლიციამ 14 აგვისტოს დააკავა.
