აშშ-ის, უკრაინისა და რამდენიმე ევროპული ქვეყნის მაღალი თანამდებობის პირები ამ შაბათ-კვირას დიდ ბრიტანეთში შეხვედრას გეგმავენ, რათა აშშ-ის პრეზიდენტ დონალდ ტრამპსა და რუსეთის ლიდერ ვლადიმერ პუტინს შორის დაგეგმილი სამიტის წინ პოზიციები შეათანხმონ. ამის შესახებ Axios სამ ინფორმირებულ წყაროზე დაყრდნობით იუწყება.
წყაროების ცნობით, დიდ ბრიტანეთში პირისპირ შეხვედრის იდეა აშშ-ის, უკრაინისა და ევროპის ოფიციალურ პირებს შორის პარასკევს, 8 აგვისტოს, ვიდეოკონფერენციის დროს გაჩნდა.
უკრაინა და ნატო-ს ზოგიერთი მოკავშირე შეშფოთებულია, რომ ტრამპი შესაძლოა პუტინის პირობებს დათანხმდეს მათი პოზიციების გათვალისწინების გარეშე.
ოთხშაბათს ტრამპმა სატელეფონო კონფერენცია გამართა უკრაინის პრეზიდენტ ვოლოდიმირ ზელენსკისთან და რამდენიმე ევროპელ ლიდერთან, რათა ინფორმაცია მიეწოდებინა მისი სპეციალური წარმომადგენლის სტივ უიტკოფის პუტინთან შეხვედრის შედეგების შესახებ.
გამოცემის ცნობით, უიტკოფმა მონაწილეებს განუცხადა, რომ პუტინი მზად იქნება ომის დასასრულებლად, თუ უკრაინა დათანხმდებოდა ლუჰანსკის და დონეცკის რეგიონების, ასევე ყირიმის დათმობას.
წყაროების ცნობით, სატელეფონო საუბრის სულ მცირე ზოგიერთი მონაწილე იმ დასკვნამდე მივიდა, რომ პუტინი ასევე დათანხმდება უარი თქვას ხერსონისა და ზაპოროჟიეს ოლქების ნაწილობრივ ოკუპირებულ ტერიტორიების მიმართ პრეტენზიებზე.
თუმცა, როგორც მედია აღნიშნავს, მეორე დღეს, უკრაინელ და ევროპელ მაღალჩინოსნებთან გამართული კიდევ ერთი ვიდეოკონფერენციის დროს,უიტკოფმა განმარტა, რომ პუტინი მხოლოდ ამ რეგიონებში რუსეთის ამჟამინდელი პოზიციების გაყინვაზე დათანხმდება.
უკრაინელი ოფიციალური პირები აცხადებენ, რომ მათ ბოლომდე არ ესმით რუსეთის წინადადების დეტალები ან აშშ-ის პოზიცია.
ერთ-ერთმა უკრაინელმა მაღალჩინოსანმა Axios-ს განუცხადა, რომ მაშინაც კი, თუ ზელენსკი პუტინის მოთხოვნებს დათანხმდება, ის იძულებული იქნება რეფერენდუმი ჩაატაროს, რადგან უკრაინის კონსტიტუცია მას ტერიტორიების დათმობას კრძალავს.
შეგახსენებთ, აშშ-ის პრეზიდენტმა დონალდ ტრამპმა სოციალურ ქსელ Truth Social-ში დაწერა, რომ რუსეთის ლიდერ ვლადიმირ პუტინთან შეხვედრა 2025 წლის 15 აგვისტოს,
