დონალდ ტრამპის ადმინისტრაციაში განაცხადეს, რომ ტრამპის შეხვედრა რუსეთის ლიდერ ვლადიმირ პუტინთან მხოლოდ იმ შემთხვევაში შედგება, თუ პუტინი ვოლოდიმირ ზელენსკის შეხვდება. ამის შესახებ The New York Post იუწყება.
აშშ-ის ადმინისტრაციის წარმომადგენლის თქმით, „პუტინი ზელენსკის უნდა შეხვდეს“, რათა ტრამპთან მისი შეხვედრა შედგეს.
მან ასევე დასძინა, რომ აშშ-ის პრეზიდენტსა და კრემლის ლიდერს შორის პოტენციური შეხვედრის ადგილი „ჯერჯერობით განსაზღვრული არ არის“.
რუსეთის პრეზიდენტის თანაშემწემ იური უშაკოვმა ჟურნალისტებს მანამდე განუცხადა, რომ პუტინსა და აშშ-ის პრეზიდენტ დონალდ ტრამპს შორის შეხვედრა უახლოეს დღეებში - სავარაუდოდ, მომავალ კვირას - იგეგმება.
