დაკავებული აქტივისტის, ნინო დათაშვილის ადვოკატის, თამარ გაბოძის თქმით, დათაშვილის ექსპერტიზა, ჩუმად, ციხეში ჩაუტარეს.
უფლებადამცველის თქმით, ეს მაშინ, როდესაც სასამართლოს განჩინებაში პირდაპირ წერია, რომექსპერტიზა სტაციონარში უნდა მომხდარიყო.
"პროკურორი ამბობს, თითქოს დაცვის მხარის წარდგენილ დოკუმენტში ეწერა აშლილობა. თვითონ აქვს არასწორი ინფორმაცია შეტანილი. ხომ უჭერს მხარს შაუმდგომლობას?! ხომ აიღო განჩინება?!
შეაპარეს ჩუმად სამხარაულის ექსპერტები, რადგან იცოდნენ, რომ უკანონო იქნებოდა მისი ექსპერტიზაზე გადაყვანა. ჩუმად შეიყვანეს სასწრაფოდ გუშინ ექსპერტები! ერთი მხრივ ამბობს, რომ სწორი იყო, დაცვის მხარის მტკიცებულებებს დავეყრდენითო. მეორე მხრივ, უარყოფს თავის მიერ შედგენილ დოკუმენტებს. ჩაიდინეს სამსახურებრივი სიყალბე! შეცდომაში შეიყვანეს სამხარაულის ბიუროც, თითქოს ამბულატორიული ექსპერტიზა იყო დადგენილი, როცა სტაციონარული ჰქონდათ დანიშნული.
[ადვოკატი მიმართავს პროკურორ ცირამუას] რატომ ჩაატარეთ ამბულატორიული, რატომ შეაპარეთ ექსპერტები ისე, რომ არ დაუკავშირდით ადვოკატებს?! თუ თვლით, რომ აუცილებელი იყო ექსპერტიზა, რატომ გააპარეთ სასწრაფოდ ექსპერტები მასთან. ახლა ცდილობთ, რომ გამოასწოროთ უდიდესი შეცდომა, ხერხემლის ოპერაციის გამო ჩაატარეთ შერაცხადობის კვლევა!
ახლა ასე ცდილობთ გამოასწოროთ ეს სიყალბე. შეარბენინეს დავით მაღრაძე, რომ თავი გადაერჩინათ. ამით დასტურდება, რომ დაცვის მხარე მართალი იყო. არ შეიძლება, რომ ხერხემლის ოეპრაციის გამო, ადამიანის შერაცხადობის საკითხი იყოს კითხვის ნიშნის ქვეშ დაყენებული"- თქვა ადვოკატმა.
