თბილისში, ცინცაძის ქუჩაზე ავტოსაგზაო შემთხვევას 1 ადამიანი ემსხვერპლა. მომხდარის შესახებ ინფორმაცია მედიას შინაგან საქმეთა სამინისტროში დაუდასტურეს.
შსს-ს ცნობით, ერთმანეთს მსუბუქი ავტომობილი და მოპედი დაეჯახა.
უწყების ინფორმაციით, გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
