ბრიტანეთის პრემიერ-მინისტრმა კირ სტარმერმა განაცხადა, რომ ღაზის სექტორში მშვიდობის მისაღწევად კონკრეტული ნაბიჯებია საჭირო, პალესტინის სახელმწიფოს აღიარება ერთ-ერთი ასეთი ნაბიჯია.
სტარმერის განცხადებაში ნათქვამია, რომ „ღაზაში საშინელი მოვლენები შეუჩერებლად გრძელდება“.
„ჩვენს უახლოეს მოკავშირეებთან ერთად, მე ვმუშაობ რეგიონში მშვიდობისკენ მიმავალ გზაზე, ვამახვილებ ყურადღებას პრაქტიკულ გადაწყვეტილებებზე, რომლებიც რეალურ ცვლილებებს მოახდენს ამ ომის შედეგად დაზარალებულთა ცხოვრებაში,“ - განაცხადა სტარმერმა.
კონკრეტულ ნაბიჯებს შორის, რომლებიც რეგიონში მდგრადი მშვიდობის მიღწევას შეუწყობს ხელს, სტარმერი „პალესტინის სახელმწიფოს აღიარებას“ ასახელებს.
„ამაში ერთმნიშვნელოვნად დარწმუნებული ვარ. თუმცა, ეს უფრო ფართო გეგმის ნაწილი უნდა იყოს, რომელიც საბოლოოდ ორი სახელმწიფოს შექმნის გადაწყვეტამდე და პალესტინელებისა და ისრაელელებისთვის ხანგრძლივ მშვიდობამდე მიგვიყვანს. ეს არის გზა, რათა უზრუნველვყოთ მაქსიმალური სარგებელი დაზარალებულთა ცხოვრების გასაუმჯობესებლად, რაც, რა თქმა უნდა, ყოველთვის იქნება ჩვენი საბოლოო მიზანი,“ - განაცხადა გაერთიანებული სამეფოს პრემიერ-მინისტრმა.
შეგახსენებთ, საფრანგეთის პრეზიდენტმა, ემანუელ მაკრონმა განაცხადა, რომ „საფრანგეთი აღიარებს პალესტინის სახელმწიფოს“ სექტემბერში გაერო-ში სიტყვით გამოსვლისას.
