აშშ-ის პრეზიდენტმა დონალდ ტრამპმა განაცხადა, რომ უახლოეს მომავალში ღაზის სექტორში ჰამასის მძევლობიდან კიდევ 10 ადამიანს გაათავისუფლებენ.
19 ივლისს თეთრ სახლში გამართულ ღონისძიებაზე ტრამპმა განაცხადა:
„ღაზასთან დაკავშირებით, ჩვენ დავიბრუნეთ მძევლების უმეტესობა. მალე ჩვენ დავიბრუნებთ კიდევ ათს და ვიმედოვნებთ, რომ ეს საკმაოდ სწრაფად დასრულდება. სტივ უიტკოფი ფანტასტიკური იყო. მან შესანიშავი საქმე შეასრულა. ის ძალიან კარგი მომრიგებელია“, – აღნიშნა ტრამპმა.
18 ივლისს გავრცელდა ინფორმაცია, რომ ისრაელი განიხილავს დოჰას მოლაპარაკებებზე მაღალი თანამდებობის პირების კიდევ ერთი დელეგაციის გაგზავნას, რათა ზეწოლა მოახდინოს ჰამასზე და შეთანხმებისკენ კიდევ ერთი ნაბიჯი გადადგას.
