„ქართული ოცნებისთვის“ იდეალური სცენარი იყო 4 ოქტომბერს, ყოველგვარი წინააღმდეგობის გარეშე, თავისთვის კომფორტულად ჩაეტარებინა მუნიციპალური არჩევნები. სწორედ ამიტომ ჩვენ მათ ამის საშუალებას არ მივცემთ, – ამის შესახებ „ლელოს“ ერთ-ერთი ლიდერი ბადრი ჯაფარიძე სოციალურ ქსელში წერს.
„როცა საუბარია, რომ ვერ მოხდა საბრძოლო ველზე ოპოზიციური პარტიების გაერთიანებული შესვლა მუნიციპალური არჩევნებით, ამას მოჰყვება ხოლმე კომენტარი, რომ ოპოზიციის მონაწილეობა ამ არჩევნებში ალბათ „ქართული ოცნებისთვის“ იდეალური სცენარია. სინამდვილეში კი პირიქით – „ქართული ოცნებისთვის“ იდეალური იქნებოდა, რომ არცერთი ეროვნული, პროდასავლური, პოლიტიკური ჯგუფი არ შესულიყო ამ ბრძოლის ველზე, რაც საშუალებას მისცემდა მას დაუბრკოლებლად მუნიციპალიტეტების დონეზე მოეხდინა ძალაუფლების სრული კონცენტრაცია და ძირითადი პოლიტიკური აქტორების მარგინალიზიაცია, რადგან მათი მიზანი პოლიტიკური ოპონენტების განადგურებაა.
ჩვენ ეს გადაწყვეტილება სწორედ ამიტომ მივიღეთ, რომ შევიდეთ ბრძოლაში და ხელი შევუშალოთ „ქართული ოცნებას“ ზემოთ ხსენებული მიზნების განხორციელებაში.
კიდევ ერთხელ გავიმეორებ – „ქართული ოცნებისთვის“ იდეალური სცენარი იყო, 4 ოქტომბერს ყოველგვარი წინააღმდეგობის გარეშე, თავისთვის კომფორტულად ჩაეტარებინა მუნიციპალური არჩევნები. სწორედ ამიტომ ჩვენ მათ ამის საშუალებას არ მივცემთ!
იმისათვის, რომ „ძლიერ საქართველოსა“ და გახარიას პარტიას არ მიგვეღო ის გადაწყვეტილება, რომელიც მივიღეთ, სწორედ ამიტომ ვიმყოფებით „ძლიერი საქართველოს“ ლიდერები სატუსაღოში და სწორედ ამიტომ მიმდინარეობს საქმის საქმეზე აღძვრა გიორგი გახარიას წინააღმდეგ“, – წერს ბადრი ჯაფარიძე.
