ესტონეთის მთავრობის გადაწყვეტილება საინფორმაციო ხმაურია, – ასე გამოეხმაურა პარლამენტის თავმჯდომარე შალვა პაპუაშვილი ესტონეთის მთავრობის გადაწყვეტილებას, დიპლომატიური და სამსახურებრივი პასპორტების მფლობელი საქართველოს მოქალაქეებისთვის ვიზების შემოღებას.
როგორც შალვა პაპუაშვილმა თქვა, ესტონეთში სურთ, ორი თვის წინ მიღებულ გადაწყვეტილებას კვირა გამოშვებით საკვები მისცენ.
„საინფორმაციო ხმაურია. ესტონეთის საგარეო საქმეთა მინისტრს სურს, გადაწყვეტილებას, რომელიც ორი თვის წინ იქნა მიღებული, კვირა გამოშვებით მისცეს საკვები თავისი თანამონაწილეობით. გახსოვთ, ის მონაწილეობდა „ენჯეოსთან“ და რადიკალურ ოპოზიციასთან ერთად ანტიქართულ აქციაში. ახლა მისი მხრიდან ეს ნაბიჯები გასაკვირი არ არის. რა ვქნათ, ვიცით, გავიგეთ“, – განაცხადა შალვა პაპუაშვილმა.
