ეკვადორში, ქალაქ გუაიაკილიში შეიარაღებული პირები სახელმწიფო ტელევიზია TC-ს სტუდიაში პირდაპირი ეთერის დროს შეიჭრნენ და არხის თანამშრომლებს იატაკზე დაწოლა უბრძანეს, ისმოდა სროლისა და ყვირილის ხმა. იუწყება BBC
ეკვადორის პოლიციამ ტელევიზიიდან პერსონალის ევაკუირება მოახდინა, მოგვიანებით კი, 13 თავდამსხმელის დაკავება დაადასტურა. მსხვერპლისა დაშავებულების შესახებ ინფორმაცია არ ვრცლდება.
ამასთან, ეკვადორული და საერთაშორისო პრესის ინფორმაციით, სულ მცირე შვიდი პოლიციელი მძევლად აიყვანეს ორშაბათს და სამშაბათს ქვეყნის სხვადასხვა ადგილას, მათ შორის დედაქალაქ კიტოში.
ასევე არეულობბემა იფეთქა ეკვადრის ციხეებში, ზოგიერთ შემთხვევაში თავდამსხმელებმა ციხის თანამშრომლები მძევლებად აიყვანეს.
ტეელვიზიაზე თავდასხმის შემდეგ ეკვადორის პრეზიდენტმა შიდა შეიარაღებული კონფლიქტის მდგომარეობის გამოცხადების შესახებ განკარგულებას მოაწერა ხელი და რამდენიმე ორგანიზებული დანაშაულებრივი ჯგუფი „ტერორისტულ” და „არასახელმწიფოებრივ” ორგანიზაციების სიაში შეიყვანა.
ეკვადორის პრეზიდენტმა, დანიელ ნობოამ საგანგებო მდგომარეობას მას შემდეგ გამოაცხადა, რაც ერთ-ერთი კრიმინალური დაჯგუფების ლიდერი ციხის საკნიდან გაუჩინარდა. ადოლფო მასიას ვილიამარი, მეტსახელად „ფიტო“, ციხეში სასჯელს 12 წლის განმავლობაში იხდიდა და ამავდროულად ძლიერ კრიმინალურ დაჯგუფებას, „ლოს ჩონეროსს“ ხელმძღვანელობდა.
მედია აღნიშნავს, რომ ოფიციალური ინფორმაცია, უკავშირდება თუ არა ტელევიზიაში შეჭრა ციხიდან გაქცევის ფაქტს, ჯერჯერობით არ ვრცელდება.
