უკრაინას, დიდი შვიდეულისა და გლობალური სამხრეთის რამდენიმე ქვეყანას შორის, დეკემბერში გაიმართა საიდუმლო შეხვედრა რუსეთთან შესაძლო სამშვიდობო მოლაპარაკებებზე. იუწყება Bloomberg
საიდუმლო შეხვედრა 16 დეკემბერს საუდის არაბეთში გაიმართა.
გამოცემა ანონიმურ წყაროზე დაყრდნობით წერს, რომ შეხვედრაზე მნიშვნელოვანი პროგრესი არ ყოფილა. მედიის ცნობით, უკრაინა და „დიდი შვიდეულის“ წევრები ეწინააღმდეგებიან „გლობალური სამხრეთის“ წარმომადგენელი ქვეყნების მოწოდებებს რუსეთთან პირდაპირ ურთიერთობაზე.
ასევე იუწყებიან, რომ კიევმა და მისმა მოკავშირეებმა განაცხადეს, რომ რუსეთის პრეზიდენტის მიზნები არ შეცვლილა და ვლადიმირ პუტინს არ გამოუვლენია მოლაპარაკებებისთვის მზადყოფნადა არ იცავს მანამდე მიღწეულ შეთანხმებებს.
მოსკოვმა დაგმო მოკავშირეების ძალისხმევა, რომელზეც რუსეთი მიწვეული არ ყოფილა და მას ფარსი უწოდა.
