უკრაინის ხელისუფლების ცნობით, რუსეთის ძალების მიერ ხერსონის სარკინიგზო სადგურზე მიტანილი იერიშის შედეგად, ერთი ადამიანი დაიღუპა და ოთხი დაშავდა. იერიშის დროს სადგურში საევაკუაციო მატარებელი იმყოფებოდა. დაღუპული და დაშავებულები პოლიციელები არიან. ორი დაშავებული საავადმყოფოშია გადაყვანილი
უკრაინის პრეზიდენტმა ვოლოდიმირ ზელენსკიმ ვიდეომიმართვისას განაცხადა, რომ ადგილზე უამრავი მშვიდობიანი მოქალაქე იმყოფებოდა და მსხვერპლის ზუსტი რაოდენობა დგინდება.
უკრაინის შინაგან საქმეთა სამინისტროს ცნობით, სადგურიდან ევაკუირებულია 140 მოქალაქე.
უკრაინის რკინიგზაში აცხადებენ, რომ რუსეთის არმიის დარტყმის შედეგად დაზიანდა სადგურის შენობა და ერთ-ერთი სარკინიგზო შემადგენლობა.
რკინიგზის სადგურთან გაძლიერებულია პოლიციის პატრულირება.
