კალიფორნიაში, ქალაქ სან-ხოსეს ბაპტისურ ეკლესიაზე თავდასხმის შედეგად ორი ადამიანი დაიღუპა, რამდენიმე კი დაშავდა.
პოლიცია თავდაპირველად ინფორმაციას რამდენიმე დაჭრილის შესახებ ავრცელებდა.
"შეგვიძლია დავადასტუროთ, რომ რამდენიმე ადამიანს დანით მიყენებული აქვს ჭრილობები. რამდენიმე მათგანისთვის ეს ჭრილობები სიცოცხლისთვის სახიფათოა“, - წერდა პოლიცია Twitter.-ზე გამოქვეყნებულ ინფორმაციაში.
მოგვიანებით, ქალაქის მერმა სემ ლიკარდომ Twitter.-ზე დაწერა, რომ ორი ადამიანი დანით მიყენებული ჭრილობების შეადეგად გარდაიცვალა. თავდამსხმელი დაკავებულია. მისივე ინფორმაციით. დანარჩენი დაჭრილების მდგომარეობა მძიმეა.
პოლიციის ინფორმაციით, თავდასხმის დროს ეკლესიაში წირვა არ მიმდინარეობდა. ტაძარში უსახლკაროები იყვნენ გადაყვანილები, რათა ქუჩაში არ გაყინულიყვნენ.