თურქეთის რესპუბლიკის პრეზიდენტის, რეჯებ ტაიპ ერდოღანის განცხადებით, ისრაელსა და არაბეთის გაერთიანებულ საამიროებს შორის გაფორმებული შეთანხმების გამო, შესაძლოს ამ უკანასკნელთან თურქეთმა ყოველგვარი დიპლომატიური ურთიერთობა გაწყვიტოს.
მისივე განცხადებით, თურქეთი განიხილავს საკუთარი ელჩის საამირებიდან გამოწვევის საკითხს.
როგორც ერდოღანი აცხადებს, მან უკვე მისცა დავალება საგარეო საქმეთა სამინისტროს შემდგომი ნაბიჯების მომზადების თაობაზე.
თურქეთის პრეზიდენტის განცხადებას წინ უსწრებდა საგარეო საქმეთა სამინისტროს კომუნიკე, სადაც დაგმობილია ისრაელისა და არაბეთის გაერთიანებული სამეფოს ურთიერთობის ნორმალიზებისკენ გადადგმული ნაბიჯები.
განცხადებაში აღნიშნულია, რომ "რეგიონის ხალხი არასდროს აპატიებს არაბეთის გაერთიანებულ საამიროებს ამ ფარისევლურ საქციელს".
შეთანხმებას გმობს ირანი და მას ყოველი მუსლიმის ზურგში ჩაცემულ მახვილს უწოდებს.
შეგახსენებთ, შეერთებული შტატების ძალისხმევითა, თელ ავივმა და აბუ დაბმა ურთიერთობის ნორმალიზების შეთანხმებას მიაღწიეს, რომელიც მხარეთა შორის სრული დიპლომატიური ურთიერთობების დამყარებას ითვალისწინებს. ამავდროულად, ისრაელი შეაჩერებს თავის განზრახვას დასავლეთ სანაპიროების ანექსირების თაობაზე.