თუ კახეთში გავრცელებული ღორის ჭირი აფრიკული აღმოჩნდება, ეს იმას ნიშნავს, რომ კახეთი საშიში ეპიდემიის კერა იქნება. სურსათის უვნებლობის, ვეტერინარიისა და მცენარეთა დაცვის ეროვნული სამსახური ტრადიციულად რეაგირებას არ ახდენს და ამ მეტად საშიში დაავადების გავრცელებას ზედაპირულად უყურებს. დღემდე დაუდგენელია კონკრეტულად ჭირის რა სახეობით დაავადდა ღორები გურჯაანის რაიონში. როგორც ჩანს, სამსახურის უფროსისთვის მაია მეტრეველისთვის ახლა ყველაზე მნიშვნელოვანი სოფლის მეურნეობის მინისტრის სავარძელზე ფიქრია, ვიდრე მისი სამსახურის კომპეტენციაზე პასუხისმგებლობა. ნეპოტიზმით შეპყრობილი (
აღნიშნულის დამადასტურებელ ვრცელ მასალას უახლოეს მომავალში შემოგთავაზებთ) მეტრეველი სამსახურში გარშემორტყმული ნათესავებითა და ახლობლებით ცდილობს ინფორმაცია მიჩქმალოს.
სურსათის უვნებლობის, ვეტერინარიისა და მცენარეთა დაცვის ეროვნული სამსახურის საზოგადოებასთან ურთიერთობის დეარტამენტის ხელმძღვანელი ვერიკო გულია საკმაოდ ვრცელ კომენტარს აკეთებს, თითქოს გურჯანის რაიონში დაფიქსირებული ღორის დაავადება ლაბორატორიაში შემოწმდა, რის შედეგადაც დადგინდა, რომ ღორები კლასიკური ჭირით არიან დაავადებულნი.
"გურჯანის რაიონში დაფიქსირდა ღორის დაავადების რამდენიმე შემთხვევა. რადგან დაავადებულ ცხოველებს ერთნაირი სიმპტომები აღენიშნებოდათ, ერთი ნიმუშიდან მოხდა პათანატომური მასალის აღება და ლაბორატორიაში გადაგზავნა, რის შედეგადაც დადგინდა, რომ ღორები კლასიკური ჭირით არიან დაავადებულნი. ამ დაავადებას ღორის აფრიკულ ჭირთან არანაირი კავშირი არ აქვს. მეტიც, აფრიკული ჭირი საქართველოში დიდი ხანია არ დაფიქსირებულა", _ განუცხადა" "ჯი-ეიჩ-ენს" გულუამ.
გულუას არ დაუკონკრეტებია "დიდი ხანი" რა პერიოდს მოიცავს, თუმცა ინფექციური და ინვაზიური დაავადებათა სტატისტიკის მიხედვით, 2008 წელს ლაბორატორიულად დაფიქსირებულია აფრიკული ჭირის 16 შემთხვევა, ხოლო 2007 წელს 89. ამავე სტატისტიკით, 2009 წელს ლაბორატორიულად ღორის "კალასიკური ჭირის" 7 შემთხვევა დაფიქსირდა, 2008 წელს 73, 2007 წელს კი 914 შემთხვევა.
ამ თითქოსდა "დამაჯერებელი" კომენტარის შემდეგ "ჯი-ეიჩ-ენი" საქართველოს სოფლის მეურნეობის სამინისტროს ლაბორატორიის დირექტორს თინათინ ონაშვილს დაუკავშირდა, რომელმაც განაცხადა, რომ ლაბორატორიაში საკვლევი მასალა არ შესულა და კახეთში ღორის ჭირის დაავადების სახეობაზე დაზუსტებული ინფორმაცია არ გააჩნია.
"დიაგნოზის დასმა შესაძლებელია პათანატომიური გამოკვლევის შედეგად. იმის გამო, რომ ლაბორატორიაში მასალა არ შემოსულა ზუსტი დიაგნოზის დასახელება არ შემიძლია", _ განუცხადა "ჯი-ეიჩ-ენს" თინათინ ონაშვილმა და აქვე განმარტა, რომ ლაბორატორიული კვლევის გარეშე ცალკეულ შემთხვევებში, "ცდომილება შესაძლებელია იყოს".
"ჯი-ეიჩ-ენი" კვლავ დაუკავშირდა ვერიკო გულუას, თუ რომელ ლაბორატორიაში გაიგზავნა "საკვლევი მასლები", რომელმაც დააზუსტა, რომ ეს მოხდა "ვაშლიჯვრის" ლაბორატორიაში", რაზედაც საქართველოს სოფლის მეურნეობის სამინისტროს ლაბორატორიის დირექტორმა კვლავ განაცხადა, რომ მათთან მასალა არ შესულა.
ძნელი სათქმელია, რას უკავშირდება ეს ურთიერთგამომრიცხავი ინფორმაცია _ სიცრუეს, ინფორმაციის დამალვის მიზანმიმართულ ქმედებას თუ სხვა რამეს, თუმცა ფაქტია რომ რაღაც რიგზე არ არის.
ვერიკო გულუა სურსათის უვნებლობის, ვეტერინარიისა და მცენარეთა დაცვის ეროვნული სამსახურს პასუხისმგებლობას არიდებს და აცხადებს, რომ "რადგან სახელმწიფო მხოლოდ იმ დაავადებების მკურნალობას აფინანსებს, რომლებიც განსაკუთრებით საშიშია, კლასიკური ჭირი კი ასეთ დაავადებათა რიცხვს არ მიეკუთვნება, თავად მოსახლეობამ უნდა იზრუნოს დაავადებული ცხოველის მოვლასა და მის ვაქცინაციაზე".
სინტერესო პასუხია, თუმცა მეორე თვეა "ჯი-ეი-ენის" მიერ Aდასმულ კითხვა თუ როდის ჩატარდება განსაკუთრებულ საშიშ დაავადებებზე სავლდებულო ვაქცინაცია, რომელსაც სახელმწიფო აფინანსებს, დღემდე პასუხგაუცემელია.
აფრიკული ჭირის გავრცელების ფაქტორებსა და საფრთხეებზე კიდევ ერთხელ შეგახსენებთ ვეტერინარიის მეცნიერებათა დოქტორის, საქართველოს სოფლის მეურნეობათა აკადემიის წევრ-კორესპონდენტის თენგიზ ყურაშვილის მოსაზრებას, რომელმაც "ჯი-ეი-ენთან" საუბარში განაცხადა, რომ ამ დაავადების გავრცელების საშიშროებაზე შესაბამის სამსახურებს ჯერ კიდევ 1998 წელს აფრთხილებდა.
"სავეტერინარო სამსახური ფაქტობრივად აღარ არის. ეს ცხადად დაგვანახა ღორის აფრიკული ჭირის გავრცელებამ. არადა ამ საშიშროების შესახებ დაავადების შემოჭრამდე მთელი 9 წლით ადრე (1998 წელს) ვიტყობინებოდი. როდესაც დაავადება საქართველოში ორგან გამოვლინდა - ფოთსა და ლანჩხუთში - და ისიც ჯერ კიდევ ფართოდ არ იყო გავრცელებული, ყურიც არ ათხოვეს ჩვენს წინასწარ დიაგნოზს. ცხადია დაავადების შესაჩერებლად, არც შესაბამისი ზომები მიუღიათ, პირიქით, უნდობლობა გამოგვიცხადეს და მასალა შესამოწმებლად ინგლისში გაგზავნეს. იქიდან პასუხის მიღების დროისთვის კი დაავადება უკვე კახეთამდე იყო მისული", - განუცხადა "ჯი-ეიჩ-ენს" თენგიზ ყურაშვილმა.
როგორც სპეციალისტები განმარტავენ, ქვეყანაში ვეტერინარული კონტროლის შესუსტება გახდა ღორის აფრიკული ჭირის გავრცელების მიზეზი, რომლის ლიკვიდაცია ჯერ კიდევ ბევრი ენერგიის დახარჯვას მოითხოვს და რომელმაც აუნაზღაურებელი ზარალი მიაყენა სოფლის მეურნეობას.
რადგან სურსათის უვნებლობის, ვეტერინარიისა და მცენარეთა დაცვის ეროვნული სამსახურის უფროსი სპეციალისტი არაა და ვეტერინარიას, როგორც დარგს "ვერ იტანს" მაგრამ მისი ხელმძღვანეობა ევალება შევახსენებთ, რომ "ვეტერინარის შესახებ" საქართველოს კანონის შესაბამისად ქვეყნის ვეტერინარული სამსახურის წინაშე დგას სამი ძირითადი მიზანი: ცხოვლეთა ჯანმრთელობის დაცვა; ქვეყნის ტეროტორიის დაცვა სხვა ქვეყნებიდან ცხოველთა გადამდები სნეულებების აღმძვრელების შემოტანისგან; მოსახლეობის დაცვა ცხოველებისა და ადამიანის საერთო დაავადებებისგან;
ამ გარემოებების გათვლისწინებით ვიდრე ვეტერინარიის სამსახური ჯერ-ჯერობით კვლავაც რჩება სოფლის მეურნების სამინისტროს დაქმედებარებაში, რომც ახდეს მაია მეტრეველს ოცნება და ერთ დღეს სოფლის მეურნეობის მინისტრად გაეღვიძოს "ძალით ექნება ღორის ხორცი" საჭმელი _ ე.ი. იძულებული გახდება შეასრულოს კანონის მოთხოვნები. კანონის შეუსრულებლობისა და იგნორირებისთვის აუცილებლად მოკითხავენ(?).
როგორც სპეციალისტები აცხადებენ ვეტერინარიაში ამჟამად საგანგაშო მდგომარეობაა, "დარგი დაღუპვის პირასაა და ახლა მისი განადგურება მეტრეველის ხელით ხდება". თუმცა აქვე ისიც საკითხავია, რატომ უყურებს დარგში არსებულ პრობლემებს გულდამშვიდებული საქართველოს სოფლის მეურნეობის მინისტრი?
