ნატოს გენერალურმა მდივანმი ანდერს ფოგ რასმუსენი მიესალმა საქართველოს მთავრობის სტრატეგიას ოკუპირებული ტერიტორიების მიმართ. ბრიუსელში საქართველოს პრეზიდენტთან შეხვედრის შემდეგ გამართულ ერთობლივ პრესკონფერენციაზე რასმუსენმა განაცხადა, რომ იგი "მხარს უჭერს ჩართულობას, ნაცვლად იზოლაციისა".
"მიმაჩნია, რომ ეს სტრატეგია არის ნაბიჯი სწორი მიმართულებით," - განაცხადა რასმუსენმა.
მან ასევე აღნიშნა, რომ შეხვედრაზე საქართველოში "დემოკრატიული რეფორმების მიმდინარე პროცესიც" იქნა განხილული.
"ვიმედოვნებთ, რომ საქართველო განახორციელებს საჭირო საარჩევნო და საკონსტიტუციო რეფორმებს იმ ვალდებულებების შესაბამისად, რომელიც ქვეყანამ თავის წლიური ეროვნული პროგრამით აიღო," - განაცხადა რასმუსენმა.
"ამ კუთხით, მომავალი ადგილობრივი არჩევნები მნიშვნელოვანი ეტაპი იქნება," - დასძინა მან.
