„ჩემი ოჯახის კლინიკა" ქუთაისის რეგიონალურ კლინიკურ საავადმყოფოში ჩაატარებს კოფერენციას თემაზე: თრომბოლიზური თერაპია - ინსულტის მართვა, თავის ტკივილი, შაკიკი.
„ჩემი ოჯახის კლინიკის" ქსელის ნევროპათოლოგებს, სასწრაფო სამედიცინო დახმარების ექიმებს და რეანიმატოლოგებს ტრენინგს „ჩემი ოჯახის კლინიკის" წამყვან სპეციალისტებთან ერთად ჩაუტარებს გერმანიიდან მოწვეული პროფესორი, ქალაქ უნას ევანგელისტური საავადმყოფოს ნევროლოგიის მთავარი ექიმი - ზაზა ქაცარავა.
კონფერენციის მიზანია ინსულტით გამოწვეული, ჯანმრთელობასთან დაკავშირებული პრობლემების თავიდან აცილება და ინვალიდობის რისკის შემცირება. როგორც „ჩემი ოჯახის კლინიკის" წარმომადგენელმა სააგენტოსთან საუბრისას აღნიშნა, მიზანმიმართული, სწორი თერაპია ადამიანის სიცოცხლის შენარჩუნების და სრულად გამოჯანმრთელების გარანტია.
კონფერენცია იმერეთის რეგიონალურ კლინიკურ საავადმყოფოში 25-26 ოქტომბერს ჩატარდება.
