6 ნოემბერს რამდენიმე ევროპულმა მაუწყებელმა ელექტრონული ფოსტით მიიღო ბომბის შესახებ შეტყობინება.
სააგენტო Reuters-ის ცნობით, შეტყობინეაში ნათქვამი იყო, რომ „დრო მოვიდა“. შეტყობინების მიღება გამოიწვია პერსონალის ევაკუაცია და მაუწყებლობის შეჩერება.
სხვათა შორის, ელექტრონული ფოსტით შეტყობინებები ასევე მიიღეს ირლანდიურმა მაუწყებელმა RTE-მ, ბრიტანულმა ტელეარხმა Sky-მ, ბულგარულმა კერძო არხმა Nova-მ. არცერთ მათგანში ასაფეთქებელი მოწყობილობები არ აღმოჩნდა.
RTE-ზე სატელევიზიო ბადე მუსიკალური ნომრებითა და წინასწარ ჩაწერილი გადაცემებით შეივსო. ზოგიერთ შემთხვევაში, შეფერხება სამ საათამდე გაგრძელდა, იტყობინება Reuters.
სააგენტო Reuters-ს მოჰყავს ამონარიდი შეტყობინებიდან, რომელიც Nova-სა და RTE-ს რედაქტორებმა მიიღეს:
"გვინდა, რომ მთელმა მსოფლიომ იცოდეს ჩვენს შესახებ, ამიტომ ჩვენმა ერთ-ერთმა ოპერატიულმა აგენტმა თქვენს შენობაში ასაფეთქებელი მოწყობილობა დადო. ის 45 წუთში აფეთქდება. წამზომი ჩართულია".
ვინ დგას ცრუ შეტყობინებების უკან, უცნობია, თუმცა, როგორც იუწყებიან, წერილებს, რომლებიც Nova-სა და RTE-ს რედაქტორებმა მიიღეს, ვინმე „მიხეილ ანდროპოვი“ აწერდა ხელს.
საინტერესოა, რომ მაუწყებლებში მიღებული ცრუ შეტყობინებებამდე, ასეთივე მუქარის შეტყობინებები მიიღეს ავიაკომპანიებმაც სულ მცირე 19 რეისთან დაკავშირებით. შემოწმების დროს არცერთ თვითმფრინავზე ასაფეთქებელი ნივთიერებების კვალი არ აღმოჩნდა.
ირლანდიის პრემიერ-მინისტრმა მაიკლ მარტინმა განაცხადა, რომ ევროპის სადაზვერვო სააგენტოებს ჯერ არ დაუდგენიათ, წარმოადგენს თუ არა მედია საშუალებებისა და ავიარეისების მიმართ მუქარა კოორდინირებული თავდასხმის ნაწილს.
"ეს უბრალოდ აჩვენებს, თუ რამდენად ადვილია საზოგადოების ნორმალური ფუნქციონირების დარღვევა და შელახვა ასეთი არატრადიციული ქმედებებით, რომლებიც მიზნად ისახავს ქაოსის შექმნას, შიშისა და შფოთვის დათესვას", - თქვა მარტინმა.
