რუსეთის დელეგაციამ გაეროში საქართველოს პრეზიდენტის მიხეილ სააკაშვილის სიტყვით გამოსვლის დროს დარბაზი დატოვა. განცხადება ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა ალექსანდრე ლუკაშევიჩმა გააკეთა.
„ეს ნაბიჯი რუსული დელეგაციის წევრებმა იმის გამო გადადგეს, რომ არ ეთანხმებიან იმ შეფასებებს, რომელთა ტრანსლირებასაც ბატონი სააკაშვილი გაეროს გენასამბლეის ტრიბუნიდან ახორციელებდა", _ განაცხადა ლუკაშევიჩმა.
რუსეთის წარმომადგენელმა გაეროში ვიტალი ჩურკინმა თავის მხრივ განაცხადა, რომ მიხეილ სააკაშვილის გამოსვლას „რუსოფობული და ანტიმართლმადიდებლური ხასითი ჰქონდა".
„მიხეილ სააკაშვილის ფსიქოლოგიური მდგომარეობა პროფესიონალურ შეფასებას მოითხოვს და ქართველი ხალხის საბედნიეროდ ამ ადამიანის პოლირიკური კარიერის დაისი მოახლოებულია", _ განაცხადა ჩურკინმა.
მასალის გამოყენების პირობები