საქართველოს პრემიერ მინისტრმა ბიძინა ივანიშვილმა აფხაზებსა და ოსებს კიდევ ერთი გზავნილი გაუგზავნა. „ტერიტორიები არა - ხალხი უნდა დავიბრუნოთ", _ განაცხადა პრემიერმა.
„კიდევ ერთ სიგნალს გავუგზავნი აფხაზებსა და ოსებს. არავინ არ გაივლოთ თავში და არც იფიქროთ და ჩვენს ხელისუფლებაში ეს თავში არ გვაქვს, რომ რაიმე მეთოდებით ჩვენ უნდა დავიბრუნოთ ტერიტორიები. ტერიტორიები არა - ჩვენ უნდა მოვახერხოთ, უნდა შევქმნათ ისეთი პირობები, რომ დავარწმუნოთ ჩვენი ძმები, რომ ჩვენთან ცხოვრება მათთვის იქნება უკეთესი, ეს არის ერთადერთი და ძირითადი რითაც შეგვიძლია, რომ შედეგეი მივიღოთ და მე დარწმუნებლი ვარ რომ მივიღებთ", _ განაცხადა ივანიშვილმა.