„პრინციპში არჩევანი გაკეთებული მაქვს, მე მქონდა სამი ვარიანტი", _ განაცხადა საქართველოს პრემიერ -მინისტრმა ბიძინა ივანიშვილმა ექსპერტებთან შეხვედრისას მომავალ პრემიერ-მინისტრზე დასმული კითხვის კომენტირებისას.
„სამ კაცს ვუყურებდი და სამივეს ვიტყვი თუ დაგჭირდებათ ბოლოს და დრო კიდევ მაძლევს საშუალებას, რატომ უნდა ვიჩქარო პრინციპში, კიდევ არის დრო და მაქსიმალურად რომ არ შევცდე, არავითარი ვალდებულება ამის არ ჩანს", _ განაცხადა ივანიშვილმა და აღნიშნა, რომ
დღეს პოლიტიკურად გაუმართლებელიც კი იქნება ამაზე საუბარი, ვინაიდან ქვეყანაში წინასაარჩევნო კამპანიაა.
„საპრეზიდენტო არჩევნები მიდის დღეს და ჩვენ გვყავს გენიალური საპრეზიდენტო კანდიდატი გიორგი მარგველაშვილი, რომელსაც მე უდიდეს პატივს ვცემ და ის იმსახურებს კომპლიმენტებს ჩემგან და თუ ვინმეს გაქვთ პრეტენზიები სიამოვნებით მოგისმენდით.
ჩვენ ეს პროცესი არ უნდა დავაკნინოთ, ამაზე უნდა მოხდეს ფოკუსირება, საპრეზიდენტო არჩევნევბზე და პრემიერ-მინისტრის შემოყვანის არავითარი საჭიროება არ არის.
ნაადრევად კი ამას შესაძლოა ზედმეტი აჟიოტაჟი მოყვეს", _ განაცხადა ივანიშვილმა.
