„იმ მეთოდებით რა მეთოდებითაც ეკონომიკა იმართებოდა, ამ მეთოდებით მართულ ეკონომიკას არავითარი პერსპეტივა არ აქვს. ყველა კერძო ბიზნესი იმართებოდა ერთი კაცისგან. ეს უთითებდა სად რა უნდა აეშენებინათ, სად რა უნდა გაეკეთებინათ. პრაქტიკულად ბიზნესი იყო გაძვალტყავებული",_ განაცხადა საქართველოს პრემიერ-მინისტრმა ბიძინა ივანიშვილმა ექსპერტებთან შეხვედრისას იმ მოსაზრების კომენტირებისას, რომ საქართველოში ეკონომიკური ზრდა შენელდა.
„რომ არა ჩვენი მოსვლა კოლაფსი მოხდებოდა. ბიუჯეტის შევსების შანსი არ ჰქონდათ არანაირი და განვითარების. ის კრედიტები რაც აიღეს იმ უბადრუკი ომის შემდგომ, იმის ნაწილი იხარჯებოდა ეფექტურად, ძალიან დიდი ნაწილი არაეფექტურად და ძირითადად ეს იძლეოდა იმ პროცენტებს რასაც ესენი ხატავდნენ", _ განაცხადა ივანიშვილმა და აღნიშნა, რომ
ეკონომიკა, რომელიც იქმნება საქართველოში და რომლის გადალაგებაც ახლა დაიწყო - ეს იქნება ტიპიურად კონკურენტუნარიანი ბაზარი და ეს იქნება ჯანსაღი ეკონომიკა, რომელსაც ექნება გავითარების სწორი გზა.
„ის ციფრები რაც იხატებოდა და როგორც იხატებოდა, ამას ჰქონდა აბსოლუტურად სხვა რამე წაფენილი. არავითარი სწორი გზასთან არაფერი არ ჰქონდა საერთო.
ეს კეთდებოდა იმის ხარჯზე, რომ აღებული კრედიტებით სახელმწიფო და ძირითადად, სახელმწიფო ახდენდა გაატიურებას და კაპიტალდაბანდებას შენდებოდა იუსტიციის სახლები, აშენდა პარლამენტი ქუთაისში, რომელიც აბსოლუტურად გამოუსადეგარია „კანიუშნად" ვერ გამოიყენებ, უკაცრავად ისეთია. უკაცრავად ყველასთან. ხალხს გული უღონდება იქ 60 გრადუსზე, ტემპერატურა ვერ ჩამოგვყავს უფრო დაბლა ძალიან ხშირად და ეს მშენებლობები და კიდევ სხვა რამ", _ განაცხადა ივანიშვილმა
„აი ამის ხარჯზე ხდებოდა იმ პროცენტების ჩვენება რასაც აჩვენებდნენ, რომ სახელმწიფო იყო ძალიან აქტიური და ასე ეგონათ მათ, რომ სახელმწიფომ უნდა აშენოს ძირითადად და ეს არის ეკონომიკის ძირითადი ზრდა.
ეკონომიკის ზრდა თავისუფალმა ბიზნესმა უნდა მოახერხოს და მან უნდა დაასაქმოს ხალხიც და ეკონიმიკური ზრდის ძირითადი მაჩვენებელი ესეც უნდა იყოს თუმცა სახელმწიფოს იქ თავისი როლი და ფინქციაც აქვს და ამ ნაწილს ჩვენ არანაკლებად ვაკეთებთ და გავაკეთებთ მომავალში", _ განაცხადა ბიძიბა ივანიშვილმა.