კოალიცია ,,ქართული ოცნების" საპრეზიდენტო კანდიდატი გიორგი მარგველაშვილი ,,ევროპის სახალხო პარტიის" წარმომადგენლებს შეხვდა. პრეზიდენტობის კანდიდატმა ევროდეპუტატებს სოფელ დიცში არსებული ვითარება გააცნო.
,,ხაზი გავუსვი ჩვენს იმედს, რომ ევროპელი პარტნიორები იქნებიან უაღრესად აქტიურები იმ მოვლენებთან დაკავშირებით, რაც ხდება ადმინისტრაციულ საზღვართან, სოფელ დიცში და სხვა საზღვრისპირა რეგიონებში. ასევე ვისაუბრეთ ჰუმანიტარული პრობლემების შესახებ, რაც იქ მცხოვრებლებს ექმნებათ ცხინვალის რეგიონსა და აფხაზეთში. შეხვედრაზე გავცვალეთ პოზიციები და შევთანხმდით რომ მომავალშიც გვექნება ინტენსიური დიალოგი,"_განაცხადა მარგველაშვილმა შეხვედრის დასრულების შემდეგ.
მარგველაშვილი „ევროპის სახალხო პარტიის" ( EPP) დელეგაციასთან შეხვედრის შემდეგ, ეუთოს დემოკრატიული ინსტიტუტებისა და ადამიანის უფლებების ოფისის (OSCE/ODIHR) სადამკვირვებლო მისიის ხელმძღვანელ მატეო მეკაჩის შეხვდა.
