უმცირესობა ადამიანის უფლებების დაცვის კომიტეტს ბოიკოტს უცხადებს. „ნაციონალური მოძრაობის" წევრები კომიტეტის დღევანდელ სხდომას არ დაესწრებიან.
მიზეზი - დეპუტატების მიერ კობა დავითაშვილის ინიციატივის განხილვაა, რომლის მიხედვითაც „ნაციონალური მოძრაობის" წარმომადგენლებს ეკრძალებათ მაღალ თანამდებობებზე დანიშვნა.
ოპოზიცია ამბობს, რომ ეს ინიციატივა პოლიტიკური მასკარადია და ხელისუფლების ინტერესებს ემსახურება.
„თავისუფლების ქარტიაში ცვლილებების შეტანა, რომლითაც „ნაციონალური მოძრაობის" პარტიის წევრებს უნდა აეკრძალოთ სხვა და სხვა თანამდებობებზე ყოფნა. ეს არის მოსაზრება, რომელიც ბუნებრივია განხილული უნდა იყოს ბევრ ჭრილში", _ აცხადებს პარლამენტის ადამიანის უფლებათა დაცვის და სამოქალაქო ინტეგრაციის კომიტეტის თავმჯდომარე ეკა ბესელია.
„ერთიანი ნაიცონალური მოძრაობა ბოეკოტს უცხადებს და არ დაესწრება ადამიანის უკლებათა კომიტეტის სხდომას. ეს პოლიტიკური მასკარადი პირდაპირ შედის ხელისფლების ინტერესებში, ეს არს არის ერთი კონკრეტული დეპუტატის ინიციატივა. ხელისუფლებას ისღა დარჩენია, რომ პარლამენტში სერიოზლი მსჯელობა გამართოს იმაზე უნდა არსებობდეს თუ არა ქვეყანაში ოპოზიციური პარტია", _ აცხადებს პარლამენტის ფრაქცია „ერთიანი ნაციონალური მოძრაობის" წევრი ჩიორა თაქთაქიშვილი.
