რუსეთის საგარეო უწყება ქართულ მხარეს საზღვრის გადმოწევასთან დაკავშირებით პროვოკაციაში ადანაშაულებს. ამ შინაარსის საუბარი ჟენევის საერთაშორისო მოლაპარაკებების მომზადების ეტაპზე რუსეთის საგარეო საქმეთა მინისტრის მოადგილე გრიგორი კარასინსა და ევროკავშირის სპეციალურ წარმომადგენელს ფილიპ ლეფორს შორის შედგა.
„ღვივდება პროპაგანდისტური ისტორია ცხინვალის მხრიდან აბსოლუტურად კანონიერი ქმედების ირგვლივ განამტკიცოს საკუთარი სახელმწიფოებრივი საზღვარი. ვრცელდება აშკარად ყალბი მტკიცებები, თითქოს ხდება სასაზღვრო ზოლის გადაწევა საქართველოს ტერიტორიაზე. ქართული პოლიცია, პირდაპირ არის ჩართული ადგილობრივი მოსახლეობის საპროტესტო აქციების ორგანიზებაში, რაც შემდეგ მედიაში ტენდენციურად შუქდება",_ ნათქვამია რუსეთის საგარეო საქმეთა სამინისტროს მიერ გავრცელებულ ოფიციალურ განცხადებაში.
ამასთანავე, გრიგორი კარასინი აღნიშნავს, რომ საქართველოში უკმაყოფილებას იწვევს, რუსული მხარის მიერ საზღვრის კონტროლი და ქართულ მხარეს უჭირს იმ შედეგების აღიარება, რომელიც მიხეილ სააკაშვილის საომარმა ავანტიურამ მოიტანა.
ამას გარდა, კარასინმა ლეფორთან სატელეფონო საუბრისას იმედი გამოთქვა, რომ ევროკავშირის დამკვირვებლები საქართველოს ხელისუფლებას არ მისცემენ საშულებას უპასუხისმგებლო ნაბიჯები გადადგას, განსაკუთრებით წინასაარჩევნო პერიოდში.
