წულუკიანის თქმით, მისთვის ჯერ-ჯერობით უცნობია თუ როდის მოხდება ექს-პრემიერ-მინისტრ ზურაბ ჟვანიას საქმის საბოლოოდ გახსნა და როდესაც იგი აღნიშნულ საკითხზე არჩილ კბილაშვილს ესაუბრა, მთავარი პროკურორი საკმაოდ იმედიანად იყო განწყყობილი.

"როდესაც ბოლოს ბატონ არჩილთან მქონდა საუბარი, ის იყო ძალიან იმედიანად განწყობილი. თუმცა არ დაკონკრეტებულა, არჩევნებამდე მოხდება ეს თუ არჩევნების შემდეგ. მე სანამ ვიყავი მინისტრი და პროკურორი, რა თქმა უნდა, შესაბამისი დოზით საქმის მასალები ვიცოდი და პირველი სტრატეგიული ნაბჯი, რაც იყო დაგეგმილი ბატონ არჩილთან ერთად, იყო ის, რომ შემოწმებულიყო პირველ რიგში ის ვერსია, რაც "მოგვყიდეს" საზოგადოებას მაშინ, იყო თუ არა საფუძვლიანი. ის, რაც იყო იმ წუთში საქმის მასალებში, მე პირადად ვფიქრობ და ეს ჩემი პირადი აზრია, რომ არცთუ მყარად გამოიყურებოდა ის ვერსია, რაც მაშინ საზოგადოებაში წინა ხელისუფლების მიერ იყო გავრცელებული. მას შემდეგ, რაც მე საპროკურორო ფუნქციები დავთმე თუ პარლამენტის გადაწყვეტილებით აღარ მაქვს, ხმამაღლა ვაცხადებ, რომ პირდაპირ მეკრძალება კანონით რომელიმე სისხლის სამართლის საქმეში ჩავიხედო. აქედან გამომდინარე, შვწყვიტე ამ საქმეში ჩახედვა,"- განაცხადა თეა წულუკიანმა.