ბიზნესმენი ლევან პირველი ,,მრეწველთა პარტიის" ახალგაზრდულ ფრთას უხელმძღვანელებს. როგორც ,,პრაიმ ტაიმის" პრესკლუბში სტუმრობისას პირველმა განაცხადა ის ძლიერ ახალგაზრდულ ფრთას შექმნის, რომელიც სამომავლო პოლიტიკაზე იქნება ორიენტირებული.
"მე ყოველთვის ვიყავი მრეწველთა პარტიის წევრი და ამიტომაც დავბრუნდი ჩემს პარტიაში. შინ დაბრუნება კი დაკავშირებულია პოლიტიკასთან. ქვეყნის გარეთ კიდევ უფრო მეტად ფეთქავდა პოლიტიკური ცხოვრება. მე "მრეწველებში" ვრჩები და ვაგრძელებ ჩემს პოლიტიკურ საქმიანობას. ამიტომაც შევქმნი ძლიერ ახალგაზრდულ ფრთას, რომელიც გათვლილი იქნება სამომავლო პოლიტიკაზე", - აცხადებს პირველი.
