ცენტრალურ საარჩევნო კომისიაში 23 პრეზიდენტობის კანდიდატი დარეგისტრირდა. (საარჩევნო კანონმდებლობით, კანდიდატების რეგისტრაციისთვის ბოლო ვადა 27 სექტემბერია; 23 სექტემბრის მდგომარეობით ცესკომ სრულად შეამოწმა პრეზიდენტობის კანდიდატობის მსურველების მხარდამჭერთა სიები და დაასრულა მათი რეგისტრაციის პროცესი).
საარჩევნო ადმინისტრაციას პრეზიდენტობის კანდიდატის წარდგენის მიზნით განცხადებით სულ 54-მა მსურველმა მომართა, აქედან 42 საინიციატივო ჯგუფია, ხოლო 12 პოლიტიკური გაერთიანება; 23 რეგისტრირებული კანდიდატიდან ათი - პოლიტიკურმა (მათგან მხოლოდ 7-ია კვალიფიციური სუბიექტი) პარტიამ წარადგინა, ხოლო 13 - საინიციატივო ჯგუფებმა. საპრეზიდენტო კანდიდატად რეგისტრაციაზე სხვადასხვა სამართლებრივი ხარვეზების გამო 31 კანდიდატობის მსურველს ეთქვა უარი.
საპრეზიდენტო კანდიდატს უფლება აქვს მოხსნას საკუთარი კანდიდატურა არჩევნებამდე არაუგვიანეს 10 დღისა (17 ოქტომბერი); ამ ვადის ამოწურვის შემდეგ, ყველა დარჩენილი კანდიდატის სახელი და გვარი მოხვდება საარჩევნო ბიულეტენში.
რაც შეეხება სადამკვირვებლო ორგანიზაციების რეგიტრაციას, 23 ოქტომბრის მდგომარეობით კომისიაში რეგისტრირებულია 37 ადგილობრივი, 23 საერთაშორისო და 18 მედია ორგანიზაცია. ადგილობრივ სადამკვირვებლო ორგანიზაციებს რეგისტრაციისთვის ბოლო ვადა ეწურებათ 17 ოქტომბერს, საერთაშორისო ორგანიზაციებს კი - 20 ოქტომბერს. მედია ორგანიზაციებს აკრედიტაცია შეუძლიათ გაიარონ 24 ოქტომბრის ჩათვლით.
ცესკო მოუწოდებს მედია საშუალებებს, საარჩევნო პროცესების სრულყოფილად გაშუქების მიზნით დროულად გაიარონ აკრედიტაცია.
ცესკო განაგრძობს კვალიფიკაციის ამაღლების პროცესს; 11 სექტემბერს დასრულდა საუბნო საარჩევნო კომისიების დაკომპლექტება და შესაბამისად დაიწყო კომისიის წევრების ტრენინგები. სწავლებას მათთვის, საარჩევნო სისტემების განვითარების, რეფორმებისა და სწავლების ცენტრი, გაეროს განვითარების პროგრამის (UNDP) ფინანსური მხარდაჭერით ახორციელებს. 22 სექტემბერს ტრენინგების პირველი ეტაპი დასრულდა, ხოლო მეორე ეტაპი 3 ოქტომბრიდან იგეგმება.
22 სექტემბერს დაიწყო ტრენინგი თვითმმართველობის ორგანოების იურისტებისთვის, რომელიც 28 სექტემბერს დასრულდება. ეს არის საარჩევნო სისტემების განვითარების, რეფორმებისა და სწავლების ცენტრის და ცესკოს იურიდიული დეპარტამენტის ერთობლივი სწავლება, რომელიც გაეროს განვითარების პროგრამის (UNDP) მხარდაჭერით ხორციელდება. თვითმმართველობის წარმომადგენლები გაეცნობიან სამართლებრივ ჩარჩოს ადმინისტრაციული რესურსების გამოყენებისა და წინასაარჩევნო აგიტაციაში მონაწილეობის შეზღუდვის კუთხით.
რეგისტრირებული საპრეზიდენტო კანდიდატები:
1.მიხეილ სალუაშვილი
2.ნესტან კირთაძე
3.შალვა ნათელაშვილი
4.სერგო ჯავახიძე
5.გიორგი ლილუაშვილი
6.გიორგი მარგველაშვილი
7.ნინო ბურჯანაძე
8.ლევან ჩაჩუა
9.ავთანდილ მარგიანი
10.გიორგი თარგამაძე
11.კობა დავითაშვილი
12. დავით ბაქრაძე
13.ზურაბ ხარატიშვილი
14.თეიმურაზ მჟავია
15. გიორგი ჩიხლაძე
16.ნუგზარ ავალიანი
17.აკაკი ასათიანი
18. ნინო ჭანიშვილი
19. თეიმურაზ ბობოხიძე
20. ქართლოს ღარიბაშვილი
21.მამუკა ჭოხონელიძე
22. თამაზ ბიბილური
23. მამუკა მელიქიშვილი
ჩამოთვლილი კანდიდატებიდან 10 წარადგინა პოლიტიკურმა გაერთიანებამ, ხოლო 13 - საინიციატივო ჯგუფებმა. მათგან მხოლოდ 7-ია კვალიფიციური სუბიექტი, რაც ნიშნავს, რომ მათ საპრეზიდენტო არჩევნებისთვის უფასო საეთერო დრო ეკუთვნით:
1.გიორგი მარგველაშვილი
2.დავით ბაქრაძე
3.კობა დავითაშვილი
4.სერგო ჯავახიძე
5.გიორგი თარგამაძე
6.ზურაბ ხარატიშვილი
7.თეიმურაზ მჟავია
საპრეზიდენტო კანდიდატად რეგისტრაციაზე უარი ეთქვა 31 კანდიდატობის მსურველს,
მათ შორის:
თორმეტს იმის გამო, რომ მხარდამჭერთა სია არ წარმოადგინა განსაზღვრულ ვადაში:
1. ნიკოლოზ გორგიჯანიძე
2. მერაბ გორგაძე
3. გია ჩხიკვაძე
4. ბესიკ ადამია
5.უშანგი დონჯაშვილი
6.შალვა ცერცვაძე
7. დავით კაკაბაძე
8.დავით ჩხეიძე
9.იოსებ ბიბილეიშვილი
10.გურამ მარხულია
11.ზურაბ ცხოვრებაშვილი
12.ვახტანგ ჟორდანია
შვიდს - პირადი განცხადების საფუძველზე:
1.ნუგზარ ჩხაიძე
2.თენგიზ გაბიძაშვილი
3.ვლადიმერ გეგეჭკორი
4.როლანდ ლომინაძე
5. ვაჟა ჩხაიძე
6. კახა სუხიშვილი
7. თამაზ თავაძე
ხუთს - ორმაგი მოქალაქეობის მქონე პირად ყოფნის გამო:
1.გიორგი გახოკია
2.ტარიელ ხვედელიძე
3.სალომე ზურაბიშვილი
4.ზურაბ წიწუაშვილი
5.მერაბ სულიაშვილი
სამს - არასრულყოფილი დოკუმენტაციის წარმოდგენის გამო:
1.რევაზ ფახურიძე
2.ავთანდილ ფილაური
3.ნერსე ბაცაში
ორს უარი ეთქვა, ვინაიდან არ გამოასწორეს ხარვეზი მხარდამჭერთა სიაში:
1.თამაზ ღუღუნიშვილი
2.ასმათ მაჭავარიანი
ერთს - საქართველოს მოქალაქეობის შეწყვეტის გამო:
ავთანდილ იოსელიანი
ერთს - წარმოდგენილ მხარდამჭერთა სიებში, კანონით განსაზღვრულ ოდენობაზე ნაკლები ხელმოწერების დადგენის გამო:
თორნიკე იზორია
