გერმანიის კანცლერმა ანგელა მერკელმა და მისმა ქრისტიანულ-დემოკრატიულმა კავშირმა ქვეყანაში გამართულ არჩევნებში პარლამენტში კვლავ უმრავლესობა მიიღეს. ინფორმაციას ამის შესახებ გერმანიის საარჩევნო კომიტეტი ავრცელებს.
ქრისტიანულ-დემოკრატიულ კავშირს ხმა ამომრჩეველთა დაახლოებით 42 % მისცა. ეს ყველაზე დამაჯერებელი გამარჯვებაა არჩევნებში 1990 წლის შემდეგ, თუმცა ის მერკეს პარლამენtში აბსოლუტურ უმრავლესობას მაინც არ აძლევს.
კოალიციის ფორმირება ახლა მთავარი საკითხი გახდება, ვინაიდან გერმანიის თავისუფალმა დემოკრატიულმა პარტიამ, რომელიც ქრისტიანულ-დემოკრატიული კავშირის მოკავშირეა კოალიციაში ბუნდესტაგში მოსახვედრად აუცილებელი 5 % იანი ბარიერის გადალახვა ვერ შეძლო.
შესაძლოა ქრისტიანულ-დემოკრატიულ კავშირს მოუწევს ე.წ. „დიდი კოალიციის" შექმნის შესაძლებლობის განხილვა კონკურენტ სოციალ-დემოკრატიულ პარტიასთან, რომელმაც ხმათა 26 % დააგროვა.
თავად მერკელმა კი კოალიციაზე საუბრისას განაცხადა, რომ „ჯერ ჯერობით ძალიან ადრეა იმაზე საუბარი თუ რას გავაკეთებთ ჩვენ".
თავის მომხრეებთან საუბარისას ქრისტიანულ-დემოკრატიული კავშირის შტაბ-ბინაში ანგელა მერკელმა აღნიშნა: „დღეს შეგვიძლია ვიზეიმოთ, იმიტომ, რომ ჩვენ რაღაც ფანტასტიური შევძელით. ეს სუპერ-შედეგია".
ახალმა პარტიამ „ალტერნატივა გერმანიისათვის" რომელიც გერმანიის ევროზონაში წევრობის წინააღმდეგია არჩევნებზე 4,9 % დააგროვა.
„კანცლერის თანამდებობაზე ყოფნის რვა წლის განმავლობაში ანგელა მარკელმა შეძლო გადაერჩინა გერმანია გლობალურ ფინანსურ კრიზისს და ევროზონის შესაძლო დაშლას. ახლანდელ არჩევნებში გამარჯვებამ კი მერკელი გახადა ერთადერთი მსოფლიო ლიდერი, რომელმაც კარგად გადაიტანა ეს ძნელბედობის ჟამი.
გერმანიის ომისშემდგომი ისტორიის შემდეგ მხოლოდ ჰელმუნდ კოლმა და კონრად ადენაუერმა შეძლეს კანცლერის თანამდებობაზე მესამე ვადით დარჩენა", _ წერს „ბი-ბი-სი".