"ასეთი რა უთხრა საქართველოს პრემიერმა ლიტვის პრეზიდენტს რამაც გრაბაუსკაიტეს ესოდენ სერიოზული კითხვები საქართველოს ორიენტაციების შესახებ გაუჩინა... ეს ხომ მხოლოდ იმ ერთ გამონათქვამს- "ევრაზია, რატომაც არა"- არ ეფუძნება. ერთი კვირის წინ ლიტვა საქართველოს პრემიერს მასპინძლობდა და ვილნიუსის სამიტის ორგანიზატორთან ხომ ჩვენი ევროკავშირისკენ გეგმებზე ვრცლად ესაუბრებოდა....... ესეიგი ვერ და "არ" დაარწმუნა ჩვენი ევროკავშირის პარტნიორი იმაში, რომ სერიოზულად ვართ ევროპისკენ მოწადინებულნი. და მაშინ რა მნიშვნელობა აქვს საგარეო საქმეთა სამინისტროს გაუთავებელი განცხადებები ჩვენ ევროატლანტიკურ მისწრაფებების შესახებ..... სომხეთმა თავისი არჩევანი უკვე გააკეთა ევრაზიის და რუსეთის სასარგებლოდ ... დარჩა რა საქართველო. ჩვენი ევროპულ გზიდან გადახვევა იქნება უდიდესი გამარჯვება რუსეთისთვის .... ვილნიუსის დაკარგული შანსების მერე ივანიშვილი კი წავა მაგრამ ეს შანსი არ დაბრუნდება. ეს კი სხვანაირად ხატავს სურათს ივანიშვილის მოსვლის და წასვლის მიზნებისა: მიშას წასვლა მხოლოდ თუ საქართველოს სტარტეგიული გეზის შეცვლა? ცოტა არ იყოს მიკვირს ამ საკითხზე სრული დუმილი იმ პარტიების ვინც ქართულ სპეკტრზე ვითომც და დასავლურ ორიენტაციას იცავდნენ... ნუთუ კოალიციაში ყოფნა და მინიჭებული სკამები იმათ ღირს რომ გაჩუმდე ასეთ გადამწყვეტ მომენტში? ისიც საკითხავია თუ სად მიღებული და ვისი მანდატით ხელმძღვანელობს პრემიერი როცა ჩვენს არჩეულ ორიენტაციას კითხვის ქვეშ აყენებს/ მე პირადად არ მახსოვს ხმის მიცემის დროს რომ ასეთი წინადადება პროგრამაში ან განცხადებებში ყოფილიყო . სააკაშვილის ბოლო ინტერვიუდან აღმოჩნდა რომ იგი თავისი პირადი ნებით სთავაზობდა რუსეთს გაეცვალა ჩვენი ორიენტაცია ტერიტორიებზე. ნუთუ ეს ამის გაგრძელებაა? და დღეს რაში იცვლება ჩვენი გზა ევროპისაკენ ანუ რეალურად ჩვენი დამოუკიდებლობა?", - აცხადებს სალომე ზურაბიშვილი