პრემიერ-მინისტრის უფლებამოსილების შეზღუდვის თაობაზე მომზადებულ კანონპროექტს დეპუტატებმა პირველი მოსმენით ერთხმად, 112 ხმით არც ერთის წინააღმდეგ დაუჭირეს მხარი.
აღნიშნული ცვლილება ძალაში საპრეზიდენტო არჩევნების შემდეგ შევა და კონკრეტულად, პარლამენტთან მიმართებაში მთავრობის ხელმძღვანელის უფლებამოსილების შემცირებას ითვალისწინებს. კანონპროექტისა თანახმად, პრემიერ-მინისტრს ერთპიროვნული გადაწყვეტილების საუძველზე მთავრობის დათხოვნის და დანიშვნის შესაძლებლობა ერთმევა.
როგორც დღევანდელ სხდომაზე საპარლამენტო უმცირესობის წევრებმა აღნიშნეს, ოპოზიციური დეპუტატები მომავალშიც დაუჭერენ მხარს ყველა იმ საკონსტიტუციო ცვლილებას, რომელიც ქვეყნის უმაღლესი საკანონმდებლო ორგანოს ფუნქიების გაზრდას ითვალისწინებს.
პრემიერ-მინისტრისთვის უფლებამოსილების შემცირების საკითხზე მომზადებული საკანონმდებლო პაკეტის გარდა, უკვე მზადაა კიდევ ერთი საკონსტიტუციო ცვლილების პროექტი, რომელიც საკონსტიტუვიო ქვორუმს ექება. კანონპროექტის მხარდაჭერის შემთხვევაში, საპრეზიდდენტო არჩევნების შემდეგ, ქვეყნის კონსტიტუციაში ცვლილებები დეპუტატთან 2/3-ის მხარდაჭერის ნაცვლად, ¾-იანი მხარდაჭერით შევა. ქვორუმის გაზრდასთან დაკავშირებული კანონპროექტის განხილვა ჯერ არ დაწყებულა, რადგან დეპუტატები აღნიშნულ ინიციატივაზე ვენეციის კომისიის დასკვნას ელოდებიან.
