ნესტან კირთაძე ნიუ-იორკში შეხვედრებს აგრძელებს. საქართველოს პრეზიდენტობის კანდიდატი, პროფესორი ნესტან კირთაძე კოლუმბიის უნივერსიტეტის საერთაშორისო ურთიერთობის პრეზიდენტს, პოლიტიკურ მეცნიერებათა პროფესორს, ტიმოტი ფრაის შეხვდა.
საუბარი შედგა საქართველო-ამერიკის სამეცნიერო და საგანმანათლებლო ურთიერთობების, კოლუმბიის უნივერსტეტთან თანამშრომლობის განვითარების შესახებ.
მხარეებმა საქართველოში მიმდინარე პოლიტიკურ პროცესებზე და მოახლოებულ საპრეზიდენტო არჩევნებზეც ისაუბრეს .
შეხვედრაზე შეთანხმდნენ, რომ უახლოეს მომავალში, კოლუმბიის უნივერსიტეტში გაიმართება პროფესორ ნესტან კირთაძის საჯარო ლექცია და მოეწყობა უნიკალური ექსპოზიცია საქართველოს შესახებ.
ნესტან კირთაძემ კოლუმბიის უნივერსიტეტს რარიტეტული და მსოფლიოში აღიარებული წიგნი ,, ნათელი ქრისტესი. საქართველო,, გადასცა.
ქართველმა პროფესორმა კოლუმბიის უნივერსიტეტის პროფესორი და საერთაშორისო ურთიერთობების პრეზიდენტი ტიმოტი ფრაი საქართველოში მოიწვია.
