გავლენიანი ამერიკელი კონგრესმენი, წარმომადგენლობითი პალატის საგარეო ურთიერთობათა კომიტეტის წევრი ელიოტ ენგელმა ღია წერილით მიმართა სახელმწიფო მდივანს ჯონ კერის და მოუწოდა აშშ-მ ხმა აიმაღლოს რუსეთის მიერ იმ მეზობელ ქვეყნებზე განხორციელებული ზეწოლის წინააღმდეგ, რომლებიც ევროპისკენ იწსრაფვიან.
ამერიკელი კონგრესმენი საკუთარ წერილში აღნიშნავს, რომ რუსეთის მცდელობები ხელი შეუშალოს უკრაინას, მოლდოვას, საქართველოს, სომხეთს და სხვა ქვეყნებს გააძლიერეონ თავიანთი ეკონომიკური და პოლიტიკური კავშირები ევროპასთან, არღვევს ამ სახელმწიფოების სუვერენიტეტსა და დამოუკიდებლობას.
„ზემოაღნიშნულიდან გამომდინარე, მოგმართავთ თხოვნით აიმაღლოთ ხმა რუსული ზეწოლის წინააღმდეგ და რეგიონში ჩვენი მეგობრების დასაცავად. აშშ-მ მხარე უნდა დაუჭიროს უკრაინის, მოლდოვას, საქართველოს და სომხეთის ხალხთა მისწრაფებებს ააშენონ ძლიერი დემოკრატიული ევროპული ქვეყნები. გარდა ამისა, მჯერა, რომ ჩვენ ამ ქვეყნებს მხარი უნდა დავუჭიროთ, როგორც სიტყვიერად, ასევე მატერიალურად, შევუქმნათ ყველანაირი პირობა, რომელიც აუცილებელია ევროკავშირთან მჭიდრო ეკონომიკური და პოლიტიკური ურთიერთობების დამყარების მიზნით"-ნათქვამია კონგრესმენის წერილში
ელიოტ ეინჯელი, საკუთარ მიმართვაში, ასევე შეუერთდა ევროპარლამენტის იმ რეზოლუციას, რომელიც „აღმოსავლეთ პარტნიორობის" ქვეყნების მიმართ რუსეთის პოლიტიკას ეხებოდა.
