აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ დღეს გამართულ პრესკონფერენციაზე მთავრობის ახალი შემდგენლობა წარმოადგინა.
ყოლბაიას გადაწყვეტილებით, აფხაზეთის ავტონომიური რესპუბლიკის ფინანსთა მინისტრის პოსტზე ვასილ ხორავას კანდიდატურაა წარდგენილი; აფხაზეთის ავტონომიური რესპუბლიკის ეკონომიკის მინისტრის თანამდებობაზე ავთანდილ ძაგანია მოიაზრება; შრომის, ჯანმრთელობის და სოციალური დაცვის მინისტრად ქეთევან ბაკარაძის კანდიდატურა განიხლება; აფხაზეთის ავტონომიური რესპუბლიკის განათლებისა და კულტურის საინისტროს ხელმძღვანელად სავარაუდოდ, დიმა ჯაიანი დაინიშნება; დევნილთა საქმეების დეპარტამენტის თავმჯდომარედ დავით გვაძაბია დასახელდა; აფხაზეთის იუსტიციის დეპარტამენტის თავმჯდომარედ გივი კაცია მოიაზრება; აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის თავმჯდომარის პოსტზე ვალერი ბასარიას კანდიატურას განიხილავენ; რაც შეეხება რეგიონალური მართვის საკითხებში აფხაზეთის ავტონომიური რესპუბლიკის სამინისტროს, უწყებას სავარაუდოდ, კონსტანტინე კუჭუხიძე უხელმძღვანელებს. განსაკუთრებულ დავალებათა საკითხებში აფხაზეთის ავტონომიური რესპუბლიკის მინისტრის თანამდებობაზე აბესალომ მიქელაძეა წარდგენილი, ხოლო ზემო აფხაზეთის საკითხებში აფხაზეთის ავტონომიური რესპუბლიკის მინისტრად მევლუდ ჯაჭვლიანი დაინიშნება.
აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ მინისტრთა კაბინეტის აღნიშნული შემადგენლობა აფხაზეთის უმაღლეს საბჭოს განსახილველად გუშინ წარუდგინა. მინისტრთა კაბინეტის დამტკიცებამდე, ავტონომიური რესპუბლიკის საკანონმდებლო ორგანოს წევრები თითოეულ მათგანს შეხვდებიან, მათ სტრატეგიული განვითარების გეგმებს მოისმენენ და თანამდებობებზე დანიშვნა სწორედ ამის შემდეგ მოხდება.
