"დემოკრატიული მოძრაობის" საპრეზიდენტო კანდიდატი ნინო ბურჯანაძე საქართველოში აკრედიტებულ ელჩებთან და საერთაშორისო ორგანიზაციების ხელმძღვანელებთან შეხვედრებს განაგრძობს.
ნინო ბურჯანაძემ შეხვედრები გამართა პოლონეთისა და იტალიის საგანგებო და სრულუფლებიან ელჩებთან.
პრეზიდენტობის კანდიდატმა დღესვე შეხვედრა გამართა საქართველოში წინასარჩევნოდ ოფიციალური ვიზიტით მყოფ ეუთო-ს საპარლამენტო ანსამბლეის დელეგაციასა და ასამბლეის პრეზიდენტს რანკო კრივოკაპიჩთან. საპარლამენტო ასამბლეის ფარგლებში წარსული თანამშრომლობიდან გამომდინარე შეხვედრამ ძალიან თბილ და მეგობრულ ვითარებაში ჩაიარა.
საუბრის ძირითადი თემა შეხვედრა წინასაარჩევნო გარემო და სოფელ დიცში განვითარებულ მოვლენები იყო. ნინო ბურჯანაძის მხრიდან ხაზი გაესვა, რომ ერთი შეხედვით მშვიდი და ხალხში შიშის არ არსებობის მიუხედავად საარჩევნო კამპანია არასთანაბარ და არასამართლიან პირობებში მიმდინარეობს. ორი სახელისუფლებო კანდიდატისაგან განსხვავებით, „დემოკრატიული მოძრაობის" კანდიდატს არა აქვს არც უფასო საეთერო დრო და ვერც ბიუჯეტის მხარდაჭერით სარგებლობს.
ეუთო-ს საპარლამენტო ანსამბლეის პრეზიდენტმა ხაზი გაუსვა, რომ მსგავსი სიტუაცია მიუღებელია და შეუთავსებელია დემოკრატიულ პრინციპებთან, რადგან ყველა რეგისტრირებული საპრეზიდენტო კანდიდატი უნდა სარგებლობდეს თანაბარი პირობებითა და შეღავათებით.
მასალის გამოყენების პირობები
